सोने ६५ हजारावर जाण्याची शक्यता; वाढणाऱ्या किमतीमुळे 'हा' मोठा धोका

मुंबई: गेल्या काही दिवसांपासून रोज वाढत आहेत. शुक्रवारी मुंबईत सोन्याचा दर १० ग्रॅमसाठी ५० हजार ९१९ या विक्रमी स्तरावर होता. तर देशाची राजधानी नवी दिल्लीत १० ग्रॅमचा दर ५१ हजार ९४६ इतका होता. करोना व्हायरसमुळे भारत आणि जागतिक अर्थव्यवस्थेत निर्माण झालेल्या अनिश्चिततेमुळे सोन्याच्या किमती वाढत आहेत. या वाढणाऱ्या किमतींमुळे एक मोठे नुकसान होण्याची शक्यता आहे.

वाचा-
रोज विक्रमी स्तरावर पोहोचणाऱ्या सोन्याच्या दरामुळे सराफा बाजाराचे असे म्हणणे आहे की, अर्थव्यवस्थेतील मंदीमुळे ग्राहकाकडून सोन्याची मागणी कमी होण्याची धोका आहे.

वाचा-
अखिल भारतीय रत्न आणि आभूषण परिषदेचे चेअरमन अनंत पद्मनाभन म्हणाले, मागणी पहिल्या पेक्षा कमी आहे. अर्थव्यवस्थेतील मंदी, रोजगारासंदर्भात अनिश्चितता, सामाजिक अंतर आणि करोना लॉकडाउनमुळे सामान्य दोन दिवसाच्या तुलनेत फक्त २० ते २५ टक्के व्यवसाय होत आहे. जागतिक बाजारपेठेत सोन्याचा दर १ हजार ९०० डॉलरवर पोहोचला असून हा गेल्या ९ वर्षातील विक्रमी स्तर आहे.

वाचा-
लोक विवाह सोहळ्यासाठी देखील खरेदी करत नाहीत. कारण या काळात फार कमी प्रमाणात लग्न झाली आहेत. लोक मोठ्या कार्यक्रम आयोजित करण्यास टाळत असल्याचे पद्मनाभन यांनी सांगितले.

वाचा-
खर तर सर्व सामान्य ग्राहक सोन्याच्या किमतीतील ही तेजी कधी थांबेल याची वाढ पाहत आहेत. एकदा सोन्याच्या किमतीची वाढ थांबली की ते खरेदीचा निर्णय घेतील. डब्ल्यूजीसीचे भारतातील सोमसुंदरम पीआर यांनी सांगितले की, सोन्याच्या किमती ५० हजाराच्या वर जाणे ही एक महत्त्वाची घटना होती. त्यावर जी प्रतिक्रिया येत आहे ती स्वाभाविकच आहे. ज्यांनी आधीच गुंतवणूक केली आहे ते आनंदी आहेत तर अन्य जण काळजीत आहेत.

वाचा-
जानेवारी २०१९ पासून सोन्याच्या किमती ६० टक्क्यांनी वाढल्या आहेत. ऑगस्ट २०१९ पासून यात मोठी वाढ झाली. सध्या डॉलर सर्वकालीन उच्च स्तरावर नाही. पण आतापर्यंतच्या विक्रमी स्तरावर आहे, असे सोमसुंदरम म्हणाले.

वाचा-

६५ हजारावर जाणार सोन्याच्या किमती
सोन्याच्या वाढणाऱ्या किमतीबाबत पुण्यातील पीएन गाडगीळचे मुख्य कार्यकारी अधिकारी सौरभ गाडगीळ म्हणाले, करोनामुळे मागणीत प्रचंड घट झाली आहे. काही लोक जे खरेदी करत आहेत ते छोट्या प्रमाणात करत असल्याचे त्यांनी सांगितले. करोना संकट आणि अमेरिकेतील अध्यक्षपदाची निवडणूक यामुळे पुढील १२ महिने सोन्याच्या किमती वाढतील असा अंदाज त्यांनी व्यक्त केला. १२ महिन्यात भारतात सोन्याच्या किमती १० ग्रॅमसाठी ६५ हजारावर जाण्याची शक्यता आहे, असे ते म्हणाले.

वाचा- सुरू