Maharashtra Politics | मुंबईत पंतप्रधान नरेंद्र मोदी यांच्या सबेची जय्यत तयारी करण्यात आली आहे. या सभेला मोठी गर्दी होईल, अशी अपेक्षा देवेंद्र फडणवीस यांनी व्यक्त केली आहे. त्यासाठी भाजप आणि शिंदे गटाचे नेते, आमदार आपापल्या भागातून मोठ्याप्रमाणावर कार्यकर्ते घेऊन येणार आहेत. मेट्रो-२ अ व मेट्रो-७ च्या विस्तारीकरणाचे लोकार्पण पंतप्रधान मोदींच्या हस्त होईल.
हायलाइट्स:
- या बॅनरचा फोटो सोशल मीडियावर प्रचंड व्हायरल होत आहे
- पंतप्रधान नरेंद्र मोदी बीकेसी मैदानावर सभा घेणार आहेत
पंतप्रधान नरेंद्र मोदी बीकेसी मैदानावर सभा घेणार आहेत. यावेळी नरेंद्र मोदी यांच्या हस्ते मुंबईतील सुमारे ३८ हजार ८०० कोटी रुपयांच्या विविध महत्त्वाकांक्षी प्रकल्पांचे लोकार्पण, भूमिपूजन होईल. पंतप्रधान नरेंद्र मोदी यांच्या दौऱ्यासाठी मुंबईत कडेकोट सुरक्षाव्यवस्था तैनात करण्यात आली आहे. मेट्रोचे गुंदवली स्थानक आणि बीकेसी मैदानाच्या परिसरात सुमारे ९०० अधिकारी आणि साडेतीन हजार कर्मचाऱ्यांचा फौजफाटा असेल. याशिवाय, एटीएस तसेच इतर सर्व विशेष शाखांच्या अधिकाऱ्यांनाही सतर्क राहण्याचे आदेश देण्यात आले आहेत.
PM Modi in Mumbai: मोदींच्या कार्यक्रमासाठी संपूर्ण मुंबईची नाकाबंदी, विद्यापीठाची संरक्षक भिंतही तोडली: सामना
मोदींच्या दौऱ्यामुळे मुंबईतील वाहतुकीच्या मार्गांमध्ये बदल
पंतप्रधान नरेंद्र मोदी मुंबईत येणार असल्याने सुरक्षेच्यादृष्टीने खबरदारी म्हणून ते प्रवास करत असलेल्या परिसरातील वाहतूक व्यवस्थेत मोठे बदल करण्यात आले आहेत. घाटकोपर ते वर्सोवा ही मेट्रो-१ रेल्वे सेवा पूर्णपणे बंद ठेवण्यात येणार आहे. तसेच मुंबईतील फॅमिली कोर्ट जंक्शन, बीकेसी, कुर्ला परिसर, खेरवाडी शासकीय वसाहत कनाकिया पॅलेस, वाल्मिकी नगर, धारावी, वरळी सी लिंकच्या परिसरातील काही मार्ग बंद ठेवण्यात आले आहेत. तर काही भागातील वाहतूक पर्यायी मार्गाने वळवण्याचा निर्णय घेण्यात आला आहे.
मोदींच्या सभेबाबत मुंबई पोलिसांच्या नावानं मेसेज व्हायरल, तो दावा खोटा, विश्वास ठेवू नका, पोलिसांचं आवाहन
ठाकरे गटाची मोदींच्या दौऱ्यावर टीका
शिवसेनेचे मुखपत्र असलेल्या ‘सामना’तून पंतप्रधान नरेंद्र मोदी यांच्या मुंबई दौऱ्यावर टीका करण्यात आली आहे. पंतप्रधान मुंबईत ज्या विकासकामांचे भूमिपूजन, लोकार्पण वगैरे करणार आहेत, त्यातील बहुसंख्य प्रकल्प पालिकेत शिवसेनेची सत्ता असतानाच पुढे सरकले. पंतप्रधान नरेंद्र मोदी काही तासांच्या मुंबई भेटीवर येत आहेत व या काही तासांत ते मुंबईच्या उज्वल भविष्याची पायाभरणी करतील असे सांगितले जात आहे. भाजप आम्ही केलेल्या कामांचे श्रेय लाटण्याचा प्रयत्न करत आहे, अशी टीका ठाकरे गटाकडून करण्यात आली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
