tanker driver died due to heart attack, पेट्रोल टँकर उड्डाणपुलावर चढताना चालकाला हार्ट अ‍ॅटॅक; अकोल्यात मोठा अनर्थ टळला; पण… – driver died due heart attack while driving petrol tanker in akola

अकोला जिल्ह्यातील बाळापूर तालुक्यातील गायगाव इथे हिन्दुस्थान पेट्रोलियम, भारत पेट्रोलियम व इंडियन ऑईल पेट्रोलियम या तीन इंधन कंपन्यांचे डेपो आहेत. यातील भारत पेट्रोलियमच्या डेपोतून दुपारी दीड वाजताच्या सुमारास एमएच २७ एक्स ५१३४ या क्रमांकाचा टँकर अमरावती जिल्ह्यातील भातकुली पेट्रोल पंपासाठी इंधन घेऊन रवाना झाला. दरम्यान भातकुलीकडे जात असताना अकोला शहरातील अशोक वाटिका जवळील अटल बिहारी वाजपेयी उड्डाण पुलावर चढताना टँकर चालकाला ह्रदय विकाराचा झटका आला. त्यामुळे त्याचे टँकरवरील नियंत्रण सुटले.
अरेरे! आईचा अंत्यविधी सुरू असताना आईला शोधत लेकरू रस्त्यावर; डोकं फुटलं तरीही आईचा शोध सुरुच
अनियंत्रित झालेला टँकर पुलावरून खाली कोसळत होता. सुदैवाने तो दुभाजकाला आदळल्याने मोठा अनर्थ टळला. मात्र हृदय विकाराच्या झटक्याने वाहन चालकाचा मृत्यू झाला. माणिकराव महेंन्द्रे असे वाहन चालकाचे नाव आहे. विशेष म्हणजे टँकर पुलावरून उलटला नाही. अन्यथा मोठी दुर्घटना घडू शकली असती.
दिल्लीहून पळून आलेल्या प्रेमी युगुलाचा औरंगाबादेत करुण अंत; समृद्धी महामार्गावर ट्रकनं चिरडलं
टँकरमध्ये ज्वलनशील डिझेल आणि ६ हजार लीटर पेट्रोल असल्याने आग लागण्याची दाट शक्यता होती. या घटनेची माहिती मिळताच वाहतूक नियंत्रण शाखा आणि खदान पोलीस पथकासह घटनास्थळी दाखल झाले. दुसरीकडे परिसरातील नागरिकांसह रिक्षा चालकांनी टँकर चालकाला तात्काळ उपचारासाठी शासकीय रुग्णालयात पाठवले. उपचारा दरम्यान डॉक्टरांनी वाहनचालक माणिकराव यांना मृत घोषित केले. याप्रकरणी खदान पोलीस ठाण्यात अपघाताची नोंद करण्यात आली आहे.