नवीन वर्षातील पहिली शनि अमावस्या
ओडिशातील एका मंत्र्यांनी शनिशिंगणापुरच्या शनि देवाला एक कोटी रुपयाचा कलश अर्पण केला आहे. एक किलो सातशे ग्रॅम सोने आणि पाच किलो चांदिचा उपयोग करून हा कलश तयार करण्यात आला आहे. शनि अमावस्येनिमित्त सायंकाळी होणाऱ्या आरती सोहळ्यानंतर हा कलश शनि मूर्तीसमोर विधिपूर्वक अर्पण केला जाणार आहे. हा कलश कोणत्या मंत्र्याने अर्पण केला? हे कळू शकले नाही. या मंत्र्याने आपलं नाव गुपित ठेवण्याची विनंती करून हा कलश दान दिला आहे.
मंत्र्याने अर्पण केला सोने-चांदीचा कलश
तांबे तर गेलेच पण महत्त्वाच्या नेत्यांनाही सोबत घेऊन जाणार? काँग्रेसमध्ये फुटीचे संकेत
वर्षाची ही पहिलीच अमावस्या आहे. आणि शनि अमावस्येला दर्शन घेतल्याने दुःख आणि इतर संकटांचं निराकरण होतं, अशी भावना सुशील शिंदे या भाविकाने व्यक्त केली. पहिली शनि अमावस्या असल्याने भाविकांनी दर्शनासाठी गर्दी केली आहे. संध्याकाळपर्यंत सात ते आठ लाख भाविक दर्शन घेतील, असा अंदाज आहे. तसंच ओडिशातील मंत्र्यांनी सोन्याचा कलश दान केला आहे. तो संध्याकाळी आरतीच्या वेळी अर्पण करण्यात येणार आहे, अशी माहिती मंदिराच्या विश्वस्तांनी दिली.
अहमदनगरमध्ये आजीचा चहाची जबरदस्त क्रेझ, ६७ वर्षांच्या आजीबाईंचा तरुणांना लाजवणारा
