मिरा-भाईंदर () शहरातील करोनारुग्णांच्या संख्येत वाढ होत असताना आमदार गीता जैन यांची एक बनावट ऑडिओ क्लिप सोशल मीडियावर व्हायरल झाल्याने खळबळ उडाली आहे. ‘करोनारुग्णांच्या उपचारासाठी केंद्र सरकारने प्रति रुग्ण दीड लाख रुपये मंजूर केले आहेत. त्यासाठी खासगी प्रयोगशाळा व डॉक्टरांना जास्तीत जास्त नागरिकांना करोनाची लागण झाल्याचे ठरविण्याचे निर्देश देण्यात आले आहेत,’ असा आरोप या क्लिपमध्ये करण्यात आला होता.
तसेच, सर्दी, ताप, खोकला आदी आजाराने त्रस्त रुग्णांना करोनाची लागण झाल्याचे ठरवून रुग्णालयात दाखल करण्याचा धंदा सुरू असल्याचे म्हटले होते. या बनावट ऑडिओ क्लिपप्रकरणी आ. गीता जैन यांनी भाईंदरच्या नवघर पोलिस ठाण्यत १७ जुलै रोजी तक्रार दाखल केली होती. या प्रकरणी नवघर पोलिसांनी भारतीय जनता पक्षाच्या उत्तर भारतीय महिला मोर्चाच्या उपाध्यक्ष रंजू झा यांना अटक करून शुक्रवारी ठाणे जिल्हा सत्र न्यायालयात हजर केले असता न्यायालयाने त्यांची जामिनावर सुटका केली. या प्रकरणी अधिक तपास करत असल्याची माहिती नवघर पोलिस ठाण्याचे पोलिस निरीक्षक संपत पाटील यांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Very good article! We are linking to this particularly great content on our site. Keep up the great writing.
Thank you ever so for you article post.
A big thank you for your article.
Like!! Great article post.Really thank you! Really Cool.