लज्जास्पद! आजारी आईसोबत आलेल्या चिमुरडीला रुग्णालयाची लादी साफ करायला लावले

देवरिया: एका रुग्णालयात एका मुलीचा रुग्णालयात लादी साफ करतानाचा व्हिडिओ सोशल मीडियावर (Social Media) व्हायरल झाला आहे. या मुलीच्या आईला रुग्णालयात उपचारासाठी दाखल करण्यात आला आहे. आईसोबत ही चिमुकली देखील रुग्णालयात गेली होती. ही लज्जास्पद घटना उत्तर प्रदेशातील येथील एका रुग्णालयात घडली असून या मुलीचा साफसफाई करतानाचा व्हिडिओ व्हायरल (Viral Video) झाल्यानंतर खळबळ उडाली आहे. देवरियामधील रुग्णालयांत गेल्या काही दिवसांपासून रुग्णालयांची मनमानी आणि बेजबाबदारपणाची अनेक उदाहरणे पुढे आली आहेत.( forced a small girl to wipe hospital floor)

देवरियातील जिल्हा रुग्णालयात महिला वॉर्डात ही मुलगी वायपरदच्या सहाय्याने रुग्णालयाची गॅलरी साफ करताना व्हिडिओत दिसत आहे. या मुलीच्या आईची प्रकृती नाजूक झाली होती. याच कारणामुळे मुलीच्या आईने रुग्णालयाच्या गॅलरीतच मूत्र विसर्जित केले होते. यामुळे रुग्णालयाचे कर्मचारी भडकले आणि त्यांनी महिलेच्या चिमुरडीकडेच साफसफाईची जबाबदारी ढकलली. ही गॅलरी साफ करून टाक असे ते या मुलीला म्हणाले. याच वेळी कोणीतरी या मुलीचा व्हिडिओ तयार केला.

वाचा:

जिल्हा रुग्णालयाचे अनेक प्रताप झाले आहेत उघड
तथापि, या व्हायरल व्हिडिओत दिसणारी मुलगी आणि तिच्या आजारी आई कोण आहेत आणि कुठे राहतात याबाबत काही माहिती मिळालेली नाही. या पूर्वी जुलै महिन्याच्या दुसऱ्याच आठवड्यात एक ६ वर्षाचा मुलगा रुग्णालयात आपल्या आजोबांचे स्ट्रेचर ओढत असल्याचा व्हिडिओ असाच व्हायरल झाला होता. या नंतर स्वत: जिल्हाधिकाऱ्यांनी जिल्हा रुग्णालयाला भेट देत वॉर्डबॉयवर कारवाई केली होती. त्यानंतर दोनच दिवसांनी एका मुलाला जिल्हा रुग्णालयात घेऊन आलेली तिची आई आणि तिच्या आजीला स्ट्रेचर ओढायला लावण्यात आले होते. हा व्हिडिओ गेखील व्हायरल झाला होता.

वाचा:

दोषींवर होणार कारवाई- मुख्य वैद्यकीय अधीक्षक

लादी साफ करणाऱ्या मुलीच्या या प्रकरणाची चौकशी करण्यात येणार असल्याचे रुग्णालयाचे मुख्य वैद्यकीय अधीक्षक डॉ. छोटेलाल यांनी सांगितले. या प्रकरणात जे कोणी दोषी असेल, त्यावर कठोर कारवाई करण्यात येईल, असे डॉ. छोटेलाल यांनी सांगितले.

वाचा: