Solapur local news | खासदार धनंजय महाडिक यांच्या वाढदिवसानिमित्त मोहोळ तालुक्यातील सिकंदर टाकळी येथे भव्य कुस्त्या स्पर्धा आयोजित करण्यात आल्या होत्या. हजारो कुस्ती प्रेमी सिकंदर शेखची कुस्ती पाहण्यासाठी सिकंदर टाकळी येथे आले होते. महेंद्र गायकवाडने पंजाब युनिव्हर्सिटी केसरी विजेता असलेल्या गोरा अजनाला अस्मान दाखवले. उपमहाराष्ट्र केसरी महेंद्र गायकवाडच्या वस्तादांकडून सिकंदर शेखचे कौतुक
हायलाइट्स:
- महेंद्र गायकवाडचे कोच आनंदराव रासकर यांनी टोचले कान
- पैलवानाला जातधर्म नसतो
महेंद्र गायकवाडची काय चूक आहे,त्याने कुस्ती खेळली
उपमहाराष्ट्र केसरी पैलवान महेंद्र गायकवाड गायकवाड याचे कोच आनंदराव रासकर यांनी सांगितले की,महाराष्ट्र केसरी उपांत्य फेरीत,महेंद्र गायकवाडची काहीही चूक नाही. पंचांनी निर्णय दिला आहे. मी स्वतः उपांत्य फेरीचा व्हिडीओ पहिला,आणि वारिष्ठांकडून पडताळणी केली.त्यामध्ये कसलीही चूक नसल्याची महिती,महेंद्र गायकवाडचे वस्ताद आनंदराव रासकर यांनी दिली. महेंद्र गायकवाड याकडून ऑलम्पिक मेडलची अपेक्षा अनेकांनी केली आहे.आणि आता त्याची तयारीदेखील सुरु केली आहे, असे रासकर यांनी म्हटले. 
महाराष्ट्र केसरीत अन्याय झाल्याने मी डिप्रेशनमध्ये गेलो, स्वत:ला संपवण्याचा निर्णय घेतला होता: चंद्रहार पाटील
सिकंदर शेखचे केले कौतुक
उपमहाराष्ट्र केसरी महेंद्र गायकवाड हा सिकंदर शेखचा फॅन आहे. सिकंदर शेख हा संपूर्ण भारतातील प्रसिद्ध पैलवान आहे. पैलवानांना कोणतीही जात नसते,आज भीमा केसरीच्या अंतिम लढतीत कुस्ती स्पर्धा जिंकल्यानंतर अनेक प्रेक्षकांनी बॅरिकेडस तोडून सिकंदरला खांद्यावर घेतले. हे मुस्लिम आहे म्हणून नाही तर त्याचा खेळ,त्याची कुस्ती कौतुकास्पद आहे असे कौतुक महेंद्रच्या कोच आनंदराव रासकर यांनी केले.
सिकंदर शेख ठरला भीमा केसरीचा मानकरी
सोलापुरातील प्रसिद्ध अशी भीमा केसरी सिकंदर शेखने पटकावली आहे. पंजाब केसरी विजेता असलेल्या भुपेंद्र अजनालायास पराभूत करत सिकंदरने सोलापूर जिल्ह्याचा नाव राखला. खासदार धनंजय महाडिक यांच्या वाढदिवसानिमित्त मोहोळ तालुक्यातील सिकंदर टाकळी येथे या कुस्ती स्पर्धा आयोजित करण्यात आल्या होत्या. शेवटच्या पाच कुस्त्या या महत्वपूर्ण होत्या. हजारो कुस्ती प्रेमी सिकंदर शेखची कुस्ती पाहण्यासाठी सिकंदर टाकळी येथे आले होते. चांदीची गदा,रोख रक्कम असा पुरस्कार सिकंदर शेखने पटकावला आहे.
महेंद्र गायकवाडने जिंकला भीमा वाहतूक केसरीचा किताब
महेंद्र गायकवाड याने पंजाब युनिव्हर्सिटी केसरी विजेता असलेल्या गोरा अजनाला याला अस्मान दाखवत भीमा वाहतूक केसरीचा किताब पटकावला. महेंद्रच्या ताकदीपुढे गोरा अजन अक्षरश: चीतपट झाला. या लढतीत पैलवान गोरा अजनाला हा बाहेर पडण्याचा प्रयत्न करत होता, पण महेंद्र गायकवाड याने तीन वेळा मैदानात ओढले. त्यामुळे उपस्थितांमध्ये हशा पिकला.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
