अंबानींचा धडाका; केंद्र सरकारच्या ५८ कंपन्यांवर भारी पडतेय एकटी रिलायन्स

नवी दिल्ली: इंडस्ट्री आणि त्याचे चेअरमन करोना काळात जवळ जवळ प्रत्येक दिवशी चर्चेत येत होते. रिलायन्सच्या जिओत जगभरातील कंपन्यांची गुंतवणूक झाल्यानंतर अंबानी यांनी कंपनीला कर्ज मुक्त केले. त्यानंतर त्यांनी जगातील श्रीमंतांच्या यादीत थेट पाचव्या स्थानावर झेप घेतली. प्रत्येक दिवशी कोणता ना कोणता विक्रम करणाऱ्या रिलायन्सने बाजार भांडवला बाबत सोमवारी १.३८ लाख कोटींचा टप्पा पार केला.

वाचा-
मुंबई शेअर बाजारातील एकूण लिस्टेड कंपन्यांच्या १० टक्के रिलायन्सचे बाजार भांडवल आहे. इतक नव्हे तर त्याचे बाजार भांडवल केंद्र सरकारच्या ५८ कंपन्यांपेक्षा अधिक आहे. सार्वजनिक क्षेत्रातील ओएनजीसी, एनटीपीसी, कोल इंडिया, इंडियन ऑइल, गेल, हिंदुस्तान पेट्रोलियम, आयआरसीटीसी, रेल विकास निगम लिमिटेड सारख्या दिग्गज कंपन्यांच्या एकत्र बाजार भांडवलापेक्षा रिलायन्सचे बाजार भांडवल अधिक आहे.

वाचा-
डिपार्टमेंट ऑफ इन्व्हेस्टमेंट अॅण्ड पब्लिक असेट मॅनेजमेंट या वेबसाइटने दिलेल्या माहितीनुसार देशातील ५८ सार्वजनिक क्षेत्रातील कंपन्यांचे एकूण बाजार भांडवल ८,६६,२२८.९१ कोटी इतके आहे. यातील सर्वात जास्त बाजार भांडवल ओएनजीसीचे असून ते ९९,६९८.६४ कोटी इतके आहे. दुसऱ्या क्रमांकावर एनटीपीसी असून त्याचे भांडवल ९३,८०१.५७ कोटी आहे. त्यानंतर ग्रिड कॉरपोरेशन ऑफ इंडियाचा क्रमांक लागतो. ज्याचे भांडवल ८६,६३५.१२ कोटी आहे. तर स्टूटर्स इंडिया लिमिटेडचे बाजर भांडवल फक्त १७९.३४ कोटी इतके आहे.

वाचा-
गेल्या काही महिन्यात मुकेश अंबानींच्या नेतृत्वाखालील रिलायन्सने देशाबाहेर नाव कमावले आहे. एनर्जी कंपनीबाबत सैदीच्या अरामको नंतर रिलायन्सचा क्रमांक लागतो. फक्त तीन महिन्यांपूर्वी जिओमध्ये मोठ्या प्रमाणात गुंतवणूक सुरू झाली आणि कंपनीची स्थिती सुधारली.

वाचा-

गेल्या दोन वर्षाक रिलायन्सचे बाजार भांडवल दुप्पट झाले आहे. मुंबई शेअर बाजारात नोंदणी झालेल्या सर्व कंपन्यांचे बाजार मुल्य १४७.२३ लाख कोटी आहे. तर रिलायन्सचे १४.३८ लाख कोटी इतके. बाजारातील एकूण भांडवलात रिलायन्सचा वाटा ९.८ टक्के इतका आहे.

हे देखील वाचा-