pune accident, दुर्दैवी! अपघातग्रस्तांच्या मदतीला निघालेल्या रुग्णवाहिकेला अपघात; बाईकला धडक, एकाचा अंत – ambulance going for help collides with bike one youth died in pune

स्विफ्ट डिझायर व दुचाकीच्या अपघातात महेश गव्हाणे नावाच्या तरुणाचा जागीच मृत्यू झाला. अपघाताची माहिती मिळताच रुग्णवाहिका घटनास्थळी पोहोचण्यासाठी निघाली. सणसवाडी गावच्या हद्दीत कल्पेश वनज फाट्याजवळ रुग्णवाहिकेचे चालक वैभव डोईफोडे यांचं वाहनावरील नियंत्रण सुटलं. रुग्णवाहिकेनं श्रीकांत सुर्यकांत उबाळे यांच्या मोटारसायकलला धडक दिली. अपघातात श्रीकांत यांचा मृत्यू झाला. तर रुग्णवाहिका चालकासह त्याच्या शेजारी बसलेले अक्षय रविंद्र बनसोडे या अपघातात जखमी झाले आहेत. या दुहेरी अपघातानं एकच खळबळ उडाली होती.
मला जगायचंय, पण…; ज्या हातांवर मेहंदी काढली, त्याच हातांवर व्यथा मांडत आयुष्य संपवलं
पुणे-नगर महामार्गावर अपघातांचं प्रमाण वाढत चाललं असून यात तरुणांच्या मृत्यूंचं प्रमाण अधिक आहे. या घटनेनं काही काळ वाहतूककोंडी झाली होती. पोलिसांनी घटनास्थळी दाखल होत वाहतूक सुरळीत केली आहे. या विचित्र अपघाताने नागरिक हळहळ व्यक्त करत आहेत.