aftab poonawala, कॅबवाल्यांना फोन अन् १२०० रुपयांची बॅग; मृत श्रद्धाला घेऊन हिमाचलला जाणार होता आफताब, पण… – aaftab poonawala planned to dump shraddha walkars body part in himachal pradesh

नवी दिल्ली: श्रद्धा वालकर हत्याकांडामुळे संपूर्ण देश हादरला. श्रद्धा वालकरची तिचा प्रियकर आफताब पुनावालानं निर्घृणपणे हत्या केली. श्रद्धा आणि आफताब दिल्लीत लिव्ह इन रिलेशनमध्ये राहत होते. १८ मे २०२२ रोजी आफताबनं श्रद्धाची हत्या केली. तिच्या मृतदेहाचे ३५ तुकडे केले आणि जवळच असलेल्या जंगलात फेकले. या प्रकरणात पोलिसांनी आरोपपत्र दाखल केलं आहे. त्यातून या प्रकरणातील अधिक माहिती उघडकीस आली आहे.

श्रद्धाच्या मृतदेहाची विल्हेवाट लावण्यासाठी आफताब पुनावाला हिमाचल प्रदेशला जाणार होता. आफताब आणि श्रद्धा यांची ओळख एका डेटिंग ऍपच्या माध्यमातून झाली. त्यानंतर दोघे मुंबईहून दिल्लीला गेले. छतरपूरमध्ये भाड्यानं घेतलेल्या एका फ्लॅटमध्ये राहू लागले. १७ मे रोजी श्रद्धा एका मित्राला भेटायला गुरुग्रामला गेली. सकाळी निघालेली श्रद्धा रात्री घरी परतली नाही. या मित्राची ओळखदेखील डेटिंग ऍपच्या माध्यमातूनच झाली होती.
घरातून निघाले, रेल्वे स्टेशन गाठले, प्लॅटफॉर्मवर घुटमळले; अखेर दोघांचं ठरलं अन् सगळंच संपलं
गुरुग्रामला गेलेली श्रद्धा आफताबचे फोन उचलत नाहीत. दुसऱ्या दिवशी श्रद्धा छतरपूरला परतली. त्यावेळी आफताबनं तिला रात्रभर कुठे होतीस? रात्रीच का परत आली नाहीस? याबद्दल विचारणा केली. त्यावर तुला काय करायचंय? मला जे वाटेल ते मी करेन, असं उत्तर श्रद्धानं दिलं. यानंतर दोघांमध्ये वाद झाला. आफताबनं श्रद्धाला मारहाण केली. थोड्या वेळानं सर्व शांत झालं. दोघांनी ऑनलाईन जेवण मागवलं. मात्र जेवणाआधी आफताबनं पुन्हा श्रद्धाला प्रश्न विचारण्यास सुरुवात केली.

आफताब आणि श्रद्धा यांच्यामधील वाद टोकाला गेला. आफताबनं श्रद्धाला जमिनीवर पाडलं. तिच्या छातीवर बसून तिचा गळा आवळला. १८ मे रोजी आफताबनं श्रद्धाला संपवलं. तिच्या मृतदेहाची विल्हेवाट कशी लावायची हा प्रश्न त्याच्यासमोर होता. हिमाचल प्रदेशला नेऊन मृतदेहाची विल्हेवाट लावायची योजना त्यानं आखली होती. श्रद्धाचा मृतदेह बॅगेत टाकून हिमाचल प्रदेशला न्यायचा आणि तिथेच त्याची विल्हेवाट लावायची, असं आफताबनं ठरवलं.
मला जगायचंय, पण…; ज्या हातांवर मेहंदी काढली, त्याच हातांवर व्यथा मांडत आयुष्य संपवलं
श्रद्धाचा मृतदेह घरात असताना आफताब बाजारात गेला. त्यानं १२०० रुपयांना काळ्या रंगाची मोठी बॅग खरेदी केली. त्यानंतर काही ट्रॅव्हल एजंट्सना कॉल केले. कॅब बुक करण्यासाठी त्यांच्याशी संवाद साधला. बॅग कॅबमध्ये टाकून हिमाचल प्रदेशला जायचं असल्यास रस्त्यात अनेक ठिकाणी पोलीस कॅब तपासतील आणि आपण पकडले जाऊ अशी भीती त्याला वाटली. त्यामुळे त्यानं कॅबनं हिमाचल गाठण्याची योजना रद्द केली.

श्रद्धाच्या मृतदेहाची विल्हेवाट कशी लावायची असा प्रश्न आफताबला पडला होता. त्यावेळी त्याला मेहरोलीत वास्तव्यास असलेल्या बदरी नावाच्या मित्राची आठवण झाली. बदरीचं वास्तव्य असलेल्या इमारतीच्याजवळ घनदाट जंगल आहे. त्या जंगलात श्रद्धाच्या मृतदेहाची विल्हेवाट लावण्याचा प्लान त्यानं आखला. त्यानंतर त्यानं श्रद्धाच्या मृतदेहाचे ३५ तुकडे केले. मध्यरात्रीच्या सुमारास घराबाहेर पडून तो जंगलात जायचा आणि तुकडे जंगलात फेकायचा.