बलात्काराची व्हिडिओ क्लिप पाठवली पीडितेच्या नवऱ्याला आणि मुलाला!

सांगली: परिसरातील एका खासगी कंपनीत काम करणाऱ्या महिलेला जीवे मारण्याची धमकी देत बलात्कार करून त्याची व्हिडिओ क्लिप पीडित महिलेच्या कुटुंबीयांनाच पाठवल्याचा धक्कादायक प्रकार घडला आहे. याशिवाय बलात्काराची व्हिडिओ क्लीप सोशल मीडियावर व्हायरल करण्याची धमकी देत दोन लाखांची मागणीही केली होती. पीडितेच्या फिर्यादीनंतर या प्रकरणी (वय २६, मूळ रा. बीदर, ) याच्यावर इस्लामपूर पोलिसांत बलात्काराचा गुन्हा दाखल करण्यात आला आहे. ( )

वाचा:

इस्लामपूर पोलिसांकडून मिळालेल्या माहितीनुसार, शहरातील एका खासगी कंपनीमध्ये कर्नाटकातील भगवानसिंह राजपूत ठाकूर हा मशीन ऑपरेटर म्हणून कार्यरत होता. कंपनीतील रूममध्येच तो राहात होता. सन २०१७ पासून भगवानसिंह ठाकूर हा कंपनीतील कामानिमित्त पीडित महिलेशी जवळीक साधून अश्लील चाळे करत होता. नोव्हेंबर २०१७ मध्ये त्याने कंपनीतील प्रॉडक्शन रूममध्ये काम करणाऱ्या महिलेस कुटुंबीयांना जीवे मारण्याची धमकी देऊन बलात्कार केला. त्यानंतर भगवानसिंहने वारंवार धमकी देऊन जबरदस्तीने शरीरसंबंध ठेवले. एके दिवशी त्याने जबरदस्तीने त्याच्या मोबाइलमध्ये बलात्काराचे चित्रीकरण केले. त्यानंतर हा व्हिडिओ व्हायरल करण्याची धमकी देत वारंवार बलात्कार केला.

वाचा:

जून २०१९ मध्ये भगवानसिंह हा कंपनीचे काम सोडून कर्नाटकात गेला. मार्च २०२० मध्ये त्याने पीडितेच्या मोबाइलवर फोन व मेसेज करून दोन लाख रुपयांची मागणी केली. पैसे दे अन्यथा व्हिडिओ क्लिप पती, मुलगा व इतर नातेवाइकांना पाठवून तुझी बदनामी करेन, अशी धमकी दिली. पीडितेने २३ मार्च २०२० रोजी एका व्यक्तीच्या बँक खात्यावरुन भगवानसिंहच्या खात्यावर सात हजार रूपये पाठवले. मात्र, तो पैशासाठी वारंवार तगादा लावून धमकी देत होता. २१ जुलै २०२० रोजी भगवानसिंहने पीडितेच्या मुलाच्या मोबाइलवर सात व्हिडिओ क्लिप पाठवून दोन लाखांची मागणी केली. पैसे न दिल्यास या व्हिडिओ क्लिप इतर नातेवाइकांना तसेच सोशल मीडियावर पाठवून कुटुंबीयांची बदनामी करण्याची धमकी दिली. त्यावेळी मुलाने पैसे नसल्याचे सांगताच भगवानसिंहने त्या व्हिडिओ क्लीप पीडितेच्या नातेवाईकांच्या मोबाइलवर पाठवल्या.

२० जूलै २०२० रोजी भगवानसिंहने पीडितेच्या पतीला वर मेसेज करुन तुमच्या पत्नीच्या शरीरसंबंधाची व्हिडिओ क्लिप असल्याचे सांगत दोन लाखांची मागणी केली. सर्व पैसे एकदाच पाहिजे असे सांगून पैस न दिल्यास व्हिडिओ क्लिप सोशल मीडियावर व्हायरल करण्याची धमकी दिली. याबाबतची फिर्याद पीडित महिलेन सोमवारी इस्लामपूर पोलिसांत दिली. पोलिस निरीक्षक नारायण देशमुख याप्रकरणी अधिक तपास करत आहेत.

वाचा: