newly wed bride dies, अरेरे! आंघोळीला गेलेल्या नववधूचा करुण अंत; हातावरची मेहंदी जाण्याआधी मृत्यूनं गाठलं – newly wed bride dies of suffocation after gas geyser leaks

मेरठ: लग्नाच्या दुसऱ्याच दिवशी नवविवाहितेचा मृत्यू झाला आहे. नववधू आंघोळीसाठी गेली होती. ती बराच वेळ बाहेर आली नाही. त्यामुळे कुटुंबीयांना बाथरुमचं दार तोडलं. त्यावेळी नवविवाहिता भिंतीला टेकलेल्या स्थितीत बेशुद्धावस्थेत आढळून आली. नववधूच्या मृत्यूमुळे कुटुंबावर दु:खाचा डोंगर कोसळला आहे. उत्तर प्रदेशच्या मेरठमध्ये हा प्रकार घडला.

मेरठच्या जागृती विहारमधील सेक्टर ८ मध्ये वास्तव्यास असलेल्या पारस कुमार यांचा विवाह २६ जानेवारीला गाझियाबादच्या वैशालीशी झाला. शनिवारी सकाळी वैशाली आंघोळीसाठी गेली. बाथरुममध्ये असलेल्या गॅस गिझरमधून गळती सुरू होती. त्यामुळे वैशालीचा श्वास कोंडला. बराच वेळ ती बाथरुममधून बाहेर न आल्यानं कुटुंबीयांनी हाका मारल्या. मात्र आतून प्रतिसाद मिळाला नाही. त्यामुळे कुटुंबीयांनी बाथरुमचा दरवाजा तोडला. त्यावेळी वैशाली बेशुद्धावस्थेत भिंतीला टेकून सरळ बसलेली दिसली.
आली लग्न घटी समीप नवरा, सतत मारी वधू कक्षाच्या चकरा; वडिलांनी सटकन मुस्काटात दिली अन्…
पारस कुमार एका कंपनीमध्ये अभियंता म्हणून कार्यरत आहेत. त्यांचे वडील लष्करातून निवृत्त झाले आहे. पारसचा विवाह गुरुवारी गाझियाबादमध्ये वास्तव्यास असलेल्या वैशालीशी झाली. शुक्रवारी वैशालीला कुटुंबीयांनी निरोप दिला. ती सासरी पोहोचली. शनिवारी घरी भजनाचा कार्यक्रम होता. सकाळी १० वाजता वैशाली आंघोळीसाठी गेली. मात्र बराच वेळ होऊनही ती बाहेर आली नाही. त्यामुळे कुटुंबीयांना चिंता वाटू लागली.

घरातील महिला पुजेसाठी वैशालीची वाट पाहत होत्या. मात्र ती बाथरुममधून बाहेर येत नव्हती. वारंवार हाका मारूनही वैशाली प्रतिसाद देत नव्हती. त्यामुळे अखेर कुटुंबीयांनी बाथरुमचा दरवाजा तोडला. आत एका कोपऱ्यात वैशाली सरळ बसलेली दिसली. तिला तातडीनं रुग्णालयात दाखल करण्यात आलं. मात्र डॉक्टरांनी तिला मृत घोषित केलं.
लाँग ड्राईव्हसाठी निघाला डॉक्टर, मध्येच थांबला; ४० लाखांची मर्सिडीज पेटवली, कारण…
वैशाली आणि पारस फुलांनी सजवलेल्या कारमधून गाझियाबादवरून मेरठला आले. त्याच कारमधून वैशालीला रुग्णालयात नेण्यात आलं. मात्र तिचा जीव वाचू शकला नाही. याबद्दल गाझियाबादमधील वैशालीच्या कुटुंबीयांना समजताच त्यांना जबर धक्का बसला. एक दिवस आधी सासरी गेलेल्या वैशालीच्या निधनाबद्दल समजताच सगळेच हादरले. सगळे लगेचच मेरठला पोहोचले. बाथरूममधील असलेल्या गिझरमधून झालेल्या गळतीमुळे वैशालीचा मृत्यू झाल्याचं प्राथमिकदृष्ट्या समोर आल्याचं तिच्या भावानं सांगितलं.