मुंबई : देशांतर्गत कमॉडिटी बाजारात आज मंगळवारी सोन्याच्या भावात ०.४ टक्के वाढ झाली आहे. सोने १३२ रुपयांनी वधारले आणि सोन्याचा भाव ५२३३२ रुपयांवर गेला आहे. चांदी देखील महागली असून त्यात १.८ टक्के वाढ झाली आहे. सध्या चांदीचा एक किलोचा भाव ६६७२६ रुपये झाला आहे. चांदीचा मागील आठ वर्षांत सर्वाधिक दर आहे.

करोनाचा प्रकोप, अमेरिका-चीनमधील संघर्ष आणि आर्थिक अनिश्चितता या सर्व घडामोडी सोन्याचा भाव वाढीस पोषक ठरत असल्याचे जाणकारांचे म्हणणे आहे. गेल्या महिनाभरात देशात अनलॉकची प्रक्रिया सुरु झाली आहे. या अंतर्गत प्रमुख शहरांतील सराफा बाजारपेठा पुन्हा एकदा सुरु झाल्या आहेत. सोन्याची तेजी ग्राहकांचे डोळे दिपवणारी असून मागणीला फटका बसल्याचे सराफांचे म्हणणं आहे.

वाचा : कमॉडिटी विश्लेषकांच्या मते नजीकच्या काळात सोन्याचा भाव ५२६६० ते ५२९०० च्या दरम्यान राहील. सोमवारी सोन्यात मोठी वृद्धी झाली होती. Goodreturns या वेबसाईटनुसार मुंबईत २२ कॅरेट सोन्याचा भाव १० ग्रॅमला ५०६६० रुपये आहे. तर २४ कॅरेटचा भाव ५१६६० रुपये आहे. दिल्लीत २२ कॅरेट सोने ५०८१० रुपये असून २४ कॅरेट ५२०१० रुपये आहे. चेन्नईत २२ कॅरेटसाठी ४९७९० रुपये तर २४ कॅरेटसाठी ५४३१० रुपये भाव आहे. कोलकात्यात २२ कॅरेट सोन्याचा भाव ५१०६० रुपये असून २४ कॅरेट साठी ५२४६० रुपये आहे.

वाचा :
सोन्याच्या किमतीत चालू वर्षात २८ टक्के वाढ झाली आहे. सोने खरेदीमध्ये भारत हा जगातील मोठा ग्राहक देश आहे. त्यामुळे देशात सोन्याची मोठ्या प्रमाणात आयात केली जाते. मात्र सोने आयातीने वित्तीय तूट वाढत असल्याने सरकारने सोन्यावर आयात शुल्क वाढवलं आहे. सोन्यावर १२.५ टक्के आयात शुल्क आकारले जाते. याशिवाय सोन्यावर ३ टक्के जीएसटी ग्राहकाला द्यावा लागतो. त्यामुळे सोन्याची प्रत्यक्ष किंमत ही बाजारभावापेक्षा जास्त असते. दरम्यान, सोन्याच्या उच्चांकी किमतींचा मागणीवर परिणाम झाला आहे. मागील काही दिवसांत सोन्याची मागणी कमी झाल्याचे दिसून आले आहे.


जागतिक बाजारात तेजी
करोना संकटाने बेजार झालेल्या अमेरिकन अर्थव्यवस्थेला प्रोत्साहन देण्यासाठी फेडरल रिझर्व्हकडून आर्थिक पॅकेजची घोषणा होण्याची शक्यता आहे. त्यामुळे जागतिक बाजारात सोन्याचा भाव प्रती औंस २००० डॉलर्सच्या आसपास गेला आहे. सोन्याचा हा विक्रमी स्तर आहे. मंगळवारी स्पॉट गोल्ड १ टक्क्याने वाढले आणि १९६९.७६ डॉलर झाले. त्याआधी सोन्याने १९८०.५७ डॉलर प्रती औंस इतका उच्चांक गाठला होता. त्याशिवाय चांदीचा भाव ७ टक्क्यांनी वधारून २४.५० डॉलर प्रती औंस झाला आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here