मिशन २०२४ सुरू! सीतारामन यांची मोठी घोषणा; गरिबांसाठी वर्षभर सुरू राहणार महत्त्वाची योजना
सीतारामन अर्थसंकल्प मांडत असताना जगातील श्रीमंतांच्या यादीत अंबानींनी अदानींना मागे सारलं. गौतम अदानींच्या कंपन्यांच्या शेअर्समधील घसरण सुरुच आहे. त्यामुळे त्यांच्या संपत्तीचं मूल्य घटलं आहे. सध्या त्यांची संपत्ती ८३.९ अब्ज डॉलर इतकी आहे. मुकेश अंबानींच्या संपत्तीचं मूल्य ८४.३ अब्ज डॉलर आहे. गेल्या फेब्रुवारीत अदानी यांनी अंबानींना मागे टाकलं. ते आशियाचे सर्वात श्रीमंत व्यक्ती ठरले. यानंतर ब्लूमबर्गच्या यादीत अदानी अतिशय वेगानं पुढे गेले. त्यांनी अनेक प्रतिष्ठीत उद्योगपतींना मागे सारलं. त्यामुळे अंबानी आणि अदानी यांच्या संपत्तीमधील अंतर वाढत गेलं. मात्र वर्षभरानंतर अंबानी यांनी अदानी यांना मागे टाकलं आहे.
अमेरिकन रिसर्च फर्म हिंडनबर्गनं २४ जानेवारीला एक अहवाल प्रसिद्ध केला. त्यातून अदानी समूहाला ८८ प्रश्न विचारण्यात आले. अदानी समूहातील कंपन्यांच्या कामकाजावर प्रश्नचिन्ह उपस्थित करण्यात आलं. यानंतर अदानी समूहाला मोठा धक्का बसला. कंपन्यांचे शेअर गडबडले. त्यामुळे गुंतवणूकदारांचं कोट्यवधी रुपयांचं नुकसान झालं.
