सर्वात मोठा दिलासा: आज उच्चांकी १०३३३ रुग्ण करोनामुक्त; रिकव्हरी रेटही वाढला

मुंबईः देशात करोनाचे सर्वाधिक रुग्ण महाराष्ट्रात असताना राज्यात करोनाची स्थिती चिंताजनक असतानाच दिलासादायक आकडेवारी समोर आली आहे. राज्यात प्रथमच करोनाच्या नवीन रुग्णांपेक्षा बरे होऊन घरी परतलेल्यांची सर्वाधिक संख्या नोंदवली आहे. सोमवारी १० हजार ३३३ रुग्णांनी करोनावर यशस्वी मात केली आहे. तर, दिवसभरात ७ हजार ७१७ नवीन रुग्णांची नोंद झाली आहे. (Coronavirus in )

आत्तापर्यंत बरे झालेल्या करोना रुग्णांची संख्या २ लाख ३२ हजार ९४४ झाली आहे. तर राज्याचा रिकव्हरी रेट दोन टक्क्यांनी वाढून ५९.३४४ टक्क्यांवर पोहोचला आहे. करोनाचा हा आकडा पाहून खूपच दिलासादायक आहे. सध्या राज्यात १ लाख ४४ हजार ६९४ अॅक्टिव्ह रुग्ण आहेत. आत्तापर्यंत करण्यात आलेल्या १९ हजार ६८ हजार ५५९ चाचण्यांपैकी ३ लाख ९१ हजार ४४० चाचण्यांचा अहवाल पॉझिटिव्ह आला आहे.

वाचाः

करोना बाधित नवीन रुग्णांचा आकडा कमी राहिला. २४ तासांत ७७१७ नवीन रुग्णांचे निदान झाले. त्यामुळं राज्यात उपचार घेणाऱ्या करोना रुग्णांची संख्या ३ लाख ९१ हजार ४४० इतकी झाली असून करोना रुग्णांचा आकडा असाच वाढत राहिला तर लवकरच ही संख्या ४ लाखांच्या घरात पोहोचण्याची भीती व्यक्त करण्यात आहे. करोना रुग्ण बरे होण्याच्या संख्येत वाढ होत असताना राज्यातील मृत्यूदर मात्र अजूनही चिंता वाढवणारा आहे. सध्या राज्यातील मृत्यूदर ३. ६२ टक्के इतका असून आज २८२ जणांनी करोनामुळं आपले प्राण गमावलेले आहे. सध्या राज्यातील ८ लाख ८५ हजार ५४५ व्यक्ती होम क्वारंटाइनमध्ये आहेत तर, ४२ हजार ७३३ व्यक्ती संस्थात्मक क्वारंटाइनमध्ये आहेत.

वाचाः

आज निदान झालेले ७७१७ नविन रुग्ण आणि नोंद झालेले २८१ मृत्यू यांचा तपशील असा (कंसात आज नोंद झालेले मृत्यू) : मुंबई मनपा-७०० (५५), ठाणे- १४७ (३), ठाणे मनपा-१९१ (६),नवी मुंबई मनपा-३३५ (१२), कल्याण डोंबिवली मनपा-२१९ (१६),उल्हासनगर मनपा-४३ (२), भिवंडी निजामपूर मनपा-३८ (१), मीरा भाईंदर मनपा-९६ (५), पालघर-८७, वसई-विरार मनपा-१०१ (२), रायगड-१६१ (१८), पनवेल मनपा-१०५ (१), नाशिक-१२२ (१), नाशिक मनपा-२५३ (१०), मालेगाव मनपा-८, अहमदनगर-१७७ (२), अहमदनगर मनपा-४१ (१), धुळे-११४ (१), धुळे मनपा-१०६, जळगाव-३१२ (१२), जळगाव मनपा-५७ (१), नंदूरबार-४६ (१), पुणे- ३४० (१२), पुणे मनपा-११८२ (२३), पिंपरी चिंचवड मनपा-६७३ (१२), सोलापूर-१६१ (२१), सोलापूर मनपा-६२ (४), सातारा-१३३ (८), कोल्हापूर-१०२ (३), कोल्हापूर मनपा-२७ (३), सांगली-२७ (४), सांगली मिरज कुपवाड मनपा-१०२ (१), सिंधुदूर्ग-१ (१), रत्नागिरी-६३, औरंगाबाद-७८ (२), औरंगाबाद मनपा-५७६ (४), जालना-५५ (१), हिंगोली-५, परभणी-१८, परभणी मनपा-१० (१), लातूर-४४ (४), लातूर मनपा-५३ (१), उस्मानाबाद-१५ (४), बीड-३७, नांदेड-३, नांदेड मनपा-३, अकोला-४५, अकोला मनपा-२३ (१), अमरावती-३२, अमरावती मनपा-२६ (२), यवतमाळ-१८ (१), बुलढाणा-७५ (१), वाशिम-६, नागपूर-७९ (७), नागपूर मनपा-१२३ (११), वर्धा-२०, भंडारा-१, गोंदिया-३, चंद्रपूर-१७, चंद्रपूर मनपा-७, गडचिरोली-६, इतर राज्य ७.