कल्याण : कल्याणमधील (Kalyan) ठाणकर पाडा इथं एक धक्कादायक प्रकार समोर आला आहे. इथले रहिवासी चंद्रकांत वरक यांना आयकर विभागानं (Income Tax Department) तब्बल एक कोटी 14 लाख रुपयांची नोटीस (Notice) पाठवली आहे. आयकर विभागाची ही नोटीस पाहून वरक कुटुंबीय हादरले आहेत. या घटनेमुळे संपूर्ण परिसरात खळबळ उडाली असून आता अखेर वरक हे पोलीस ठाण्यात तक्रार दाखल करणार असल्याची माहिती आहे.

मिळालेल्या माहितीनुसार, वरक हे ठाणकर पाडा येथील दुर्गा नगरमध्ये राहतात. ते ठाण्यातील एका कुरिअर कंपनीमध्ये हाऊस कीपर म्हणून काम करतात. ते आणि त्यांची बहिण दोघेही कुटुंबातील सदस्य आहे. वरक यांना त्यांच्या कंपनीतून फक्त १० हजार रुपये मासिक पगार येतो. त्यांचं वार्षिक उत्पन्न १ लाख २० हजार रुपये इतकंच आहे. नेहमीप्रमाणे ते ठाण्याला कामासाठी निघाले आणि आयकर विभागाची त्यांना नोटीस आली.

एका महिलेचा २ पुरूषांसोबत सुरू होता भलताच व्यवसाय; रंगेहात पकडताच पोलिसही चक्रावले
ही नोटीस तब्बल १ कोटी १४ लाख रुपयांची आहे. ही नोटीस मिळतात त्यांच्या घरात आणि परिसरात एकच खळबळ उडाली. नोटीस मिळताच चंद्रकांत आयकर कार्यालयात पोहोचले. मिळालेल्या माहितीनुसार, पॅनकार्डवरून १ कोटी १४ लाख रुपयांचा व्यवहार झाल्याचं या नोटिसीमध्ये लिहिण्यात आलेलं आहे. त्यांनी अनेक वेळा ही नोटीस वाचली, मात्र या रकमेच्या व्यवहाराची आकडेवारी पाहून त्यांना धक्काच बसला.

लोणावळ्याच्या व्हिस्परिंग वुड्स हॉटेलमध्ये तरुण-तरुणींचा ‘Nude Dance’; ९ मुलींसह ४४ जणांना अटक
ही नोटीस मिळाल्यानंतर त्यांनी आयकर विभाग गाठले आणि तेथील अधिकाऱ्यांनाही या नोटिसीबद्दल मजकुराची माहिती दिली. पॅनकार्डद्वारे १ कोटी १४ लाख रुपयांचा व्यवहार झाल्याचं आयकर विभागाने सांगितलं आहे. त्यामुळे वरक यांना पोलीस ठाण्यात जाऊन तक्रार देण्याचा सल्ला देण्यात आला आहे. यावर पुढे आता पोलीस काय करतात हे पाहणं महत्त्वाचं आहे.

वाह! भारतातील पहिला ट्रान्समेल गर्भवती; केरळच्या ट्रान्सजेंडर जोडप्याने दिली Good News

LEAVE A REPLY

Please enter your comment!
Please enter your name here