पुण्यातील कर्वे रोड येथील रुग्णालयात कर्करोगाच्या उपचारांसाठी ११ जुलै रोजी रुग्णाला दाखल करण्यात आलं होत. २४ जुलैला त्यांना उपचारांनतर डिस्चार्ज देण्यात आला होता. मात्र प्रकृती पुन्हा बिघडल्यानं त्यांना पुन्हा २५ जुलैला रुग्णालयात दाखल करण्यात आले. तिथं त्यांची करोनाची चाचणी करण्यात आल्यानंतर त्याचा अहवाल पॉझिटिव्ह आला आहे. मात्र, अचानक रुग्णालयानं करोना रुग्णांवर उपचारांची सोय आमच्याकडे नाही, असं सांगून त्यांना रुग्णालयातून जायला सांगितलं.
वाचाः
पिंपरी चिंचवडमधील वायसीएम रुग्णालयात करोनाबाधित रुग्णासाठी बेड बुक केला असून तुम्ही रुग्णाला तिकडे घेऊन जा, असं रुग्णालयाकडून सांगण्यात आलं. मात्र, रुग्णाचे कुटुंबिय तिथं पोहोचल्यानंतर तिथे बेडची कोणतीही सोय नसल्याचं निदर्शनासं आले. त्यामुळं या रुग्णाला दिवसभर रुग्णवाहिकेतच बसून राहावं लागलं. अखेर संध्याकाळी तळेगावातील एका खासगी रुग्णालयात दाखल करण्यात आलं. मात्र, त्यापूर्वीच त्याचा मृत्यू झाला.
वायसीएम कोव्हिड सेंटरमध्ये त्याचदरम्यान एका अत्यवस्थ रुग्णाला अचानक बेड दिल्यामुळं या रुग्णाला बेड मिळाला नाही आणि त्याचा मृत्यू झाल्याचं स्पष्टीकरण देण्यात आलं आहे.
वाचाः
दरम्यान, शहर जिल्ह्यात दिवसभरात २६१८ जणांना लागण झाल्याने जिल्ह्यातील एकूण रुग्णसंख्येने ७५ हजारांचा टप्पा ओलांडला असून, जिल्हा प्रशासनासमोर करोनाला रोखण्याचे आव्हान आणखी वाढले आहे. पुण्यात मंगळवारी दिवसभरात ५९१ रुग्णांना बरे वाटल्याने घरी सोडण्यात आले असून, शहर व जिल्ह्यात ५५ जणांचा मृत्यू झाला.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
