electric shock death, शेतात गेलेल्या बाप-लेकावर काळाचा घाला; एका क्षणात कुटुंबाचा आधार हिरावला – father and son died due to electric shock while trying to start an electric motor
उस्मानाबाद : शेतातील ज्वारीला पाणी देण्यासाठी विद्युत मोटार सुरू करण्यासाठी गेलेल्या पिता-पुत्राचा विजेचा धक्का लागून मृत्यू झाला आहे. ही घटना तुळजापूर तालुक्यातील मौजे निलेगाव येथे घडली आहे.
मिळालेल्या माहितीनुसार, तुळजापूर तालुक्यातील मौजे निलेगाव येथील शरणाप्पा अर्जुन जमादार , गणेश जमादार हे दोघे सोमवारी दुपारी १ वाजता निलेगाव शिवारातील गट नंबर ८ मधील शेतात ज्वारीला पाणी देण्यासाठी गेले होते. तेव्हा विद्युत मोटार सुरू करण्यासाठी मोटारीचे बटण दाबताच शरणाप्पा अर्जुन जमादार (वय ५२ वर्षे), गणेश जमादार (वय १६) वर्षे यांना तीव्र धक्का लागून दोघांचाही जागीच मृत्यू झाला आहे. पोलीस ॲक्शन मोडवर, ठाकरे गटाच्या आमदारला कोणत्याही क्षणी अटक होण्याची शक्यता
घटनेची माहिती मिळताच इटकळ औट पोस्ट येथील पोलीस तात्काळ घटनास्थळी दाखल झाले. त्यानंतर पोलिसांकडून घटनेचा पंचनामा करण्यात आला आणि नळदुर्ग पोलीस स्टेशन येथे आकस्मिक मृत्यूची नोंद करण्यात आली.
दरम्यान, मृत शेतकरी शरणाप्पा जमादार यांच्या पश्चात आई, भाऊ, पत्नी आणि दोन मुले असा परिवार आहे. शेतकरी पिता-पुत्राचा निधनाने निलेगाव व परिसरात हळहळ व्यक्त केली जात आहे.
पोलीस ॲक्शन मोडवर, ठाकरे गटाच्या आमदारला कोणत्याही क्षणी अटक होण्याची शक्यता
