अदानींच्या मागे आता शिवसेना लागली; शिंदे सरकारकडून झालेल्या मुलाच्या नियुक्तीला विरोध
‘बाळासाहेब थोरात यांनी विधिमंडळ पक्षाच्या गटनेतेपदाचा राजीनामा दिल्याबाबत माझ्याकडे अद्याप माहिती नाही. त्यामुळे मी त्यावर प्रतिक्रिया देणार नाही. बाळासाहेबांचा आज वाढदिवस आहे, एवढंच मला माहीत आहे. मी ट्वीट करून त्यांना शुभेच्छा दिल्या आहेत,’ असंही पटोले यांनी म्हटलं आहे.
दरम्यान, मी काँग्रेस पक्षाला विजयी करण्यासाठी काम करत असून कोण काय राजकारण करत आहे, याकडे मला लक्ष घालायचं नाही, असंही ते म्हणाले.
एकीकडे बाळासाहेब थोरात यांनी गटनेतेपदाचा राजीनामा दिल्याची चर्चा असताना दुसरीकडे नाना पटोले यांनी थोरातांना शुभेच्छा देण्यासाठी केलेल्या ट्वीटमध्ये त्यांच्या गटनेतेपदासह सर्व पदांचा उल्लेख केला आहे.
नेमकं काय आहे नाना पटोले यांचं ट्वीट?
‘कॉंग्रेस विधिमंडळ पक्षाचे नेते, माजी प्रदेशाध्यक्ष, महाराष्ट्राचे माजी महसूल मंत्री आ. बाळासाहेब थोरात यांना वाढदिवसाच्या हार्दिक शुभेच्छा. आपणास उदंड निरोगी आयुष्य लाभो ही सदिच्छा,’ अशा शब्दांत नाना पटोले यांनी आपले सहकारी असलेल्या थोरात यांना शुभेच्छा दिल्या आहेत.
