Reporter thrashed by car in Ratnagiri | शशिकांत वारीशे यांच्या अपघाताबद्दल सुरुवातीपासूनच संशय व्यक्त केला जात होता. राजापूर पोलिसांनी आता थार चालक पंढरीनाथ आंबेरकर यांना ताब्यात घेऊन चौकशीला सुरुवात केली आहे.
हायलाइट्स:
- पत्रकाराच्या खुनाचा संशय
- सकाळी ज्याच्या विरोधात बातमी आली, दुपारी त्याच्याच गाडीने पत्रकाराला उडविले
थार चालक पंढरीनाथ आंबेरकर यांच्यावर राजापूर पोलीस स्थानकात ३०८ अन्वये गुन्हा दाखल करण्यात आला आहे.या अपघाताची दुसरी बाजू समोर आल्यानंतर अपघातात मृत झालेल्या शशिकांत वारीशे यांच्या नातेवाईकांनी घातपाताचा आरोप केला आहे. सोमवारी सकाळी ८ वा. ३ मिनिटांनी पत्रकार शशिकांत वारीशे यांनी रिफायनरी ग्रुपमध्ये एका बातमीची पोस्ट केली होती. “मोदीजी, मुख्यमंत्री आणि उपमुख्यमंत्र्यांच्या बॅनरवर गंभीर गुन्ह्यातील आरोपींचे फोटो” अशा आशयाची ती बातमी होती.. बातमीचे कात्रण ही वारीसे यांनी सकाळी ग्रुपवर टाकले होते. रिफायनरी समर्थक पंढरीनाथ आंबेरकर यांनी लावलेल्या बॅनर संदर्भात ही बातमी होती. यानंतर सोमवारी दुपारी १.१५ च्या सुमारास राजापूर कोदवली येथील पेट्रोल पंपासमोर भरधाव वेगात येणाऱ्या महेंद्र थार गाडीने पत्रकार शशिकांत वारीसे यांच्या दुचाकीला जोरदार धडक दिली होती. या धडकेत वारीसे गंभीर जखमी झाले होते. अधिक उपचारांसाठी त्यांना कोल्हापूर येथे हलवण्यात आले होते. मात्र, उपचार सुरू असतानाच आज सकाळी त्यांचा दुर्दैवी मृत्यू झाला आहे.
मुंबई-गोवा हायवेवर जीपची समोरुन धडक, गाडीने स्कूटरला २५० फूट दूर फरफटत नेले
नातेवाईकांचा आरोप
शशिकांत वारीशे यांच्या नातेवाइकांनी केलेल्या आरोपावरून कार चालक पंढरीनाथ आंबेरकर यांच्यावर गुन्हा दाखल करण्यात आला असून त्यांना ताब्यात घेण्यात आले आहे. पंढरीनाथ आंबेरकर हे रिफायनरी समर्थन समितीचे अध्यक्ष होते. सकाळी जो पत्रकार विरोधातील बातमीची पोस्ट टाकतो त्याच्याच गाडीला दुचाकीची धडक बसून त्याचा यामध्ये मृत्यू होतो, हे प्रकरण संशयास्पद असल्याचा आरोप नातेवाईकांनी केला आहे.
रत्नागिरी येथील पत्रकारांनीही या घटनेची चौकशी करण्याची मागणी केली आहे. सर्व पत्रकार आज सायंकाळी जिल्हा पोलीस प्रमुखांची भेट घेणार आहेत. मराठी पत्रकार परिषद आणि पत्रकार हल्ला विरोधी कृती समितीने देखील या प्रकाराचाी चौकशी करून आरोपीवर खुनाचा गुन्हा दाखल करण्याची मागणी केली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
