या प्रकरणी मिळालेली अधिक माहिती अशी की, दिपक सुरेश नन्नवरे हा आईवडील आणि भावांसोबत धरणगाव तालुक्यातील बांभोरी येथे वास्तव्याला होता. मोलमजूरी करुन आपला उदरनिर्वाह करत होता. मंगळवारी ७ फेब्रुवारी रोजी सांयकाळी दिपक नन्नवरे हा गावातील खासगी काम आटोपून त्याचा मित्र ललित गोकूळ पाटील (रा. बांभोरी) याच्यासोबत जळगावकडून बांभोरीला दुचाकीने येत होते. सायंकाळी साडेसात वाजेच्या सुमारास बांभोरी पुलाजवळील जकात नाक्यासमोरून राष्ट्रीय महामार्गावरून जात असताना समोरून येणाऱ्या दुचाकीने त्यांच्या दुचाकीला जोरदार धडक दिली.
शिर्डी, सोलापूर ‘वंदे भारत’मध्ये मिळणार सावजी चिकन, तांबडा- पांढरा रस्सा अन्…; वाचा संपूर्ण मेन्यू
या धडकेत दिपक नन्नवरे हा महामार्गावर मध्यभागी पडला. त्याचवेळी बांभोरीकडून जळगावकडे जाणाऱ्या एका अज्ञात कारने दिपकला चिरडलं. यात त्याचा जागीच मृत्यू झाला. तर सोबत असलेला ललित पाटील हा गंभीर जखमी झाला. अपघात झाल्यानंतर बांभोरी गावातील ग्रामस्थांनी व मित्र परिवारने घटनास्थळी धाव घेतली. जखमी झालेल्या ललितला तातडीने शासकीय वैद्यकीय महाविद्यालयात उपचारार्थ दाखल करण्यात आले आहे. तर मयत दीपक याचा मृतदेह शासकीय वैद्यकीय महाविद्यालयात दाखल करण्यात आला. या प्रकरणी जळगाव तालुका पोलीस ठाण्यात अकस्मिक मृत्यूची नोंद करण्यात आली आहे. यावेळी शासकीय वैद्यकीय महाविद्यालयात नातेवाईकांसह मित्र परिवाराच मोठी गर्दी जमली होती.
Share Market Opening: बाजाराच्या सुरुवातीला मार्केट उसळला, रिझर्व्ह बँकेचे पतधोरण आज
