शिर्डीः शिर्डी विमानतळावर नोकरी लावून देतो म्हणत बनावट नियुक्ती पत्र देऊन ११ तरुणांची ५५ लाखांची फसवणूक झाल्याचा धक्कादायक प्रकार समोर आलाय. बीड जिल्ह्यातील ११ तरुणांची प्रत्येकी पाच लाखांची फसवणूक झाल्यानं शिर्डी पोलिसांत गुन्हा दाखल झाला. याप्रकरणी पोलिसांनी मोठ्या शिताफिने तिघांना अटक केली असून आणखी काही आरोपी असल्याचा अंदाज वर्तवला जातोय. तर यात मोठी टोळी सक्रीय असल्याचं देखिल सांगण्यात येतय.

डिसेंबर २०२२ मध्ये शिर्डी विमानतळावर नोकरी निमित्तानं बीड जिल्ह्यातील अकरा तरुणांची फसवणूक झाल्याचं समोर आलं होत. यावेळी पोलिसांनी गुन्हा दाखल केला होता. त्यात सखोल तपास केला असता गोकूळ राजाराम कांदे निफाड, गोकूळ गोसावी सिन्नर, विलास गोसावी सिन्नर अशा तिघांना पोलिसांनी अटक केलीये. नोकरी देतो अस सांगत हे भामट्यांनी अफलातून शक्कल लढवली. सुरुवातीला तीघांना शिर्डी विमानतळ येथिल बनावट नियुक्त पत्र देत घरी बसल्या वीस हजार पगार दिला. त्यामुळे इतर ही बेरोजगार तरुण याकडे आकर्षित झाले. पगार मिळतोय त्याच बरोबर नियुक्त पत्र मिळतय म्हणून तब्बल अकरा युवकांनी यात पाच पाच लाख रुपये देवू केले. मात्र प्रत्यक्षात नोकरी वर रुजू होत नसल्याने तसेच वारंवार विचारुन देखील उडवा उडवीची उत्तरे मिळत असल्यामुळे त्यांनी अखेर जाब विचारला तर यातील भामटे नॉट रिचेबल झाले.
सर म्हणाले, तू माझ्या बायकोसारखी दिसते; सांगलीत सातवीतील विद्यार्थिनींसोबत अश्लील कृत्य
आपली फसवणूक झाल्याचं उघड झाल्यानंतर बीड येथिल चंद्रकांत जाधव यांनी शिर्डी पोलिसांत फिर्याद दाखल केली. डिसेंबर २०२२ पासून फरार असलेल्या गोकुळ कांदे याला पोलिसांनी अटक केल्यानंतर बाकीचे दोघे ही ताब्यात आले आहे. यात शिर्डी विमानतळाचे रंगीत लेटरपॅड, शिक्के, सह्या तयार करण्यात आल्या असून पोलिसांनी फसवणूकीच्या गुन्हा सह कलम ४६५, ४६८, ४७१ , ३४ प्रमाणे गुन्हा दाखल केलाय. पुढील तपास शिर्डी पोलीस करीत आहे.

बहिणीसोबत मुंबईत आली, साईबाबांच्या पालखीतून परतताना घेतला चुकीचा निर्णय, मित्रासोबत जाताना…

LEAVE A REPLY

Please enter your comment!
Please enter your name here