PHOTOS: देशातल्या सगळ्यात उंच बाप्पाच्या मुर्तीची महाराष्ट्रात स्थापना, शेगाव-शिर्डीप्रमाणे होणार भव्य देवस्थान
यंदा माघी एकादशीला पंढरीत मोठ्या संख्येने वारकरी आले होते. यंदाच्या कार्तिकी यात्रेहून अधिक विक्रमी माघी यात्रा झाल्याचे दिसून आले. एकादशीच्या दिवशी सुमारे पाच लाख वारकरी पंढरीत विठ्ठल दर्शनासाठी आले होते.
तर यात्रा काळात सुमारे ८ लाखांहून अधिक वारकरी पंढरीत येऊन गेले आहेत. त्यामुळे मंदिर समितीचे उत्पन्न हि भरघोस वाढले आहे. विशेष म्हणजे यंदा सोन्याच्या स्वरुपात तब्बल १ कोटी ५९ लाख ९० हजार रुपयांचे दागिने आले आहेत. ६ लाख ७१ हजार रूपयांचे चांदीचे दागिने जमा झाले आहेत. आजवर मंदिर समितीला सोन्या – चांदीचे एवढे किंमतीचे दागिने देणगी स्वरुपात मिळाले नव्हते. त्याच बरोबर भाविक मोठ्या संख्येने आल्याने मंदिर समितीच्या वेदांता, व्हिडिओकॉन, विठ्ठल रुक्मिणी भक्त निवास येथून एकूण १९ लाख रूपयांचे उत्पन्न मिळाले आहे. तर ३२ लाख रुपये श्री विठ्ठल आणि रुक्मिणीच्या पायावर देणगी जमा झालेली आहे.
मंदिर समितीच्या हुंडी पेटीतून गत वर्षीच्या तुलनेत दुप्पट म्हणजे ७८ लाख रुपये इतके उत्पन्न मिळाले आहे. ऑनलाईन स्वरुपात १२ लाख ४१ हजार रुपये देणगी जमा झाली आहे. एकूणच यंदाची माघी यात्रा मंदिर समितीसाठी देवाचा खजिना भरणारी झाली आहे.
बहिणीसोबत मुंबईत आली, साईबाबांच्या पालखीतून परतताना घेतला चुकीचा निर्णय, मित्रासोबत जाताना…
