nashik police arrests two suspected youths, कोयत्याची फॅशन नाशिकमध्ये, पोलिसांनी अटक करत दोघांना दिला दणका – nashik police arrests two suspected youths and seized koyta

मागील काही दिवसांपासून शहरातील वातावरण दूषित होत आहे. शहरातील तरुणाई व्यसन आणि गुन्हेगारीच्या मार्गावर चालली आहे. क्षुल्लक कारणांवरून मोठे गुन्हे घडल्याच्या अनेक घटना घडल्या आहेत. त्यामुळे नाशिक पोलिसांसमोर ही वाढती गुन्हेगारी रोखण्याचे मोठे आव्हान असून पोलीस आता पूर्ण ताकदीने उतरले आहेत. गेल्या ३ ते ४ दिवसांपूर्वी एका भावा- बहिणीवर टोळक्याने हल्ला चढवत त्यांना गंभीर जखमी केले होते. त्यामुळे पुण्यातील कोयता गॅंगचे अनुकरण नाशिकमध्ये होते की काय? अशी भीती होती. मात्र, पोलीस आयुक्त अंकुश शिंदे यांनी परिस्थिती हाताबाहेर जाण्याआधी अवैध हत्यारे न बाळगणे, बाळगल्यास कारवाईच्या सूचना दिल्या होत्या. यामुळे पोलीस यंत्रणा सतर्क झाली आहे.

Nashik :’वसुली’चा फास घट्टच…! कर्जदारांची भांडीही केली जप्त; दोन सावकारांवर गुन्हा दाखल
या पार्श्वभूमीवर दरोडा व शस्त्रविरोधी पथक गुन्हे शाखा नाशिक शहर पोलीस अधिकारी व पोलीस अंमलदार यांना बुधवारी गोपनीय माहिती मिळाली. पंचवटी परिसरातील गणेशवाडी उद्यान येथे दोन तरुण धारदार हत्यारे घेऊन येणार आहेत. यावेळी पथकाने त्या परिसरात सापळा रचला. अंकुश मोतीराम जाधव (वय २०) आणि श्रीकांत सुरेश मुकणे (वय १९) या संशयितांना ताब्यात घेतले. या संशयितांची झडती घेण्यात आली. त्यांच्याकडे चार लोखंडी धारदार कोयते व एक चॉपर आढळले. याप्रकरणी या संशयितांवर गुन्हा दाखल करण्यात आला असून पुढील तपास सुरू आहे.
पोलिस स्टेशनजवळील दुकानातच सापडले घबाड; अंबडला साडेतीन लाखांचा अवैध गुटखा जप्त