Kasba peth byelection | कसबा पेठ विधानसभा मतदारसंघाची पोटनिवडणूक दिवसेंदिवस रंगतदार होताना दिसत आहे. कसब्यात काँग्रेस नेते बाळासाहेब दाभेकर यांनी बंडखोरी करत अपक्ष म्हणून उमेदवारी अर्ज भरला होता. कोणत्याही परिस्थितीत ते माघार घ्यायला तयार नव्हते.
हायलाइट्स:
- कसब्यात काँग्रेसचं मोठं टेन्शन संपलं
- बाळासाहेब दाभेकर यांची नाराजी दूर
कसबा पोटनिवडणुकीत प्रमुख पक्षांसह तब्बल २९ उमेदवारांनी उमेदवारी अर्ज दाखल केले आहेत. गेल्या ४० वर्षांपासून पक्षासाठी काम करत आहे आणि पक्षाने उमेदवारी देण्यासाठी पक्षाकडे दाभेकर यांनी आपली उमेदवारी मागितली होती. पण पक्षाने रवींद्र धंगेकर यांना उमेदवारी दिल्याने दाभेकर यांनी अपक्ष म्हणून आपला उमेदवारी अर्ज भरला होता.
Pune News:’मिसळ पार्टी’ने महाविकास आघाडीचे टेन्शन वाढवले, कसबा पोटनिवडणुकीत नवा ट्विस्टत्यानंतर पक्षाच्या ज्येष्ठ नेत्यांकडून दाभेकर यांची मनधरणी सुरू होती.पण ते अपक्ष लढण्यावर ठाम होते आणि काल रात्री काँग्रसचे नेते राहुल गांधी यांचा फोन आल्याने दाभेकर यांनी आपल उमेदवारी अर्ज मागे घेतला आहे. गेल्या ४० वर्षापासून पक्षासाठी काम करत आहे आणि जेव्हा आम्ही पोट निवडणुकीसाठी उमेदवारी मागितली होती. तेव्हा मला उमेदवारी नाकारण्यात आली होती. मी पक्षाच्या अंतर्गत गटबाजीमुळे बंड पुकारले होते. पण एका कार्यकर्त्याला जेव्हा राहुल गांधी यांचा फोन येतो, ही खूप गर्वाची बाब असून म्हणून मी माझं उमेदवारी अर्ज आज मागे घेतल्याचे दाभेकर म्हणाले. दुसरीकडे रवींद्र धंगेकर यांच्या प्रचारात मी सक्रिय असणार आहे. ही पोटनिवडणूक काँग्रेसला जिंकायचीच असल्याचे दाभेकर यांनी ‘महाराष्ट्र टाइम्स ऑनलाइन’शी बोलताना सांगितले आहे.
Kasba Bypoll: कसब्यातून उमेदवारी हुकलेल्या भाजप नेत्याची फडणवीसांकडून समजूत, म्हणाले,”तुझं काय वय झालं का?’
कसब्यात हेमंत रासने विरुद्ध रवींद्र धंगेकर यांच्यात मुख्य लढत
कसबा पोटनिवडणुकीत मुख्य लढत ही भाजपचे हेमंत रासने आणि काँग्रेसचे रवींद्र धंगेकर यांच्यात होणार असल्याचे आता स्पष्ट झाले आहे. हिंदू महासभेचे आनंद दवे आणि अभिजित बिचुकले हेदेखील निवडणुकीच्या रिंगणात आहेत. भाजपने टिळक घराण्यातील व्यक्तीला उमेदवारी नाकारल्याने कसब्यातील ब्राह्मण समाज नाराज झाल्याची चर्चा आहे. मात्र, देवेंद्र फडणवीस आणि चंद्रशेखर बावनकुळे यांनी शैलेश टिळक आणि कुणाल टिळक यांची समजूत काढल्याने भाजप पक्ष आता पूर्ण ताकदीने प्रचारात उतरला आहे. तर काँग्रेसलाही रमेश बागवे आणि बाळासाहेब दाभेकर यांची समजूत काढण्यात यश मिळाले आहे. त्यामुळे आता कसबा पोटनिवडणुकीचा निकाल काय लागणार, याकडे राजकीय वर्तुळाचे लक्ष लागले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
