करोना संकटात तुम्ही धुतले हात; फायदा झाला या कंपनीला!

नवी दिल्ली: करोना व्हायरसमुळे आरोग्याबद्दल आणि स्वच्छतेबद्दल देशातील नागरिक अलर्ट झाले आहेत. कोरना काळात हात नियमीपणे धुण्यास सांगण्यात आले. कारण याचा संसर्ग होण्याचा धोका अधिक असतो. सरकार आणि विविध संस्थांच्या माध्यमातून सोशल डिस्टसिंग पाळण्याबरोबरच विशिष्ट वेळेनंतर हात धुवण्यास, तसेच बाहेरून जाऊन आल्यास हात धुवण्यास सांगण्यात आले. यासाठी साबण आणि हॅड सॅनिटायझरचा वापर करावा असे आवाहन केले जात होते. हे आवाहन फक्त सरकार पातळीवर नाही तर खासगी कंपन्या देखील करत होत्या. वृत्तपत्र, टीव्ही आणि ऑनलाइन माध्यमातून कंपन्या लोकांना हात स्वच्छ ठेवण्यास सांगत होते. यामुळे भारतीय सोप (साबण) मार्केटमध्ये मोठा बदल झाला.

वाचा-
नियमीत वेळेने हात धुतल्याने करोना संसर्ग टाळता येतो. याचा फायदा काही कंपन्यांना झाल्याचे दिसून येते. त्यात ही भारतीय लोकांनी () साबणाचा सर्वात जास्त वापर केल्याचे दिसत आहे. लोकांनी करोना पासून वाचण्यासाठी डेटॉलचा वापर सर्वाधिक केला. यामुळे डेटॉल भारतातील सर्वाधिक विकला जाणारा साबण झाला आहे. डेटॉल साबणाने प्रथमच विक्रीच्या बाबत पहिले स्थान मिळवले. याबाबत त्याने हिंदुस्तान युनिलिव्हरचे दोन प्रसिद्ध उत्पादने लाइफबॉय (Lifebuoy) आणि लक्स (Lux) या दोघांना मागे टाकले आहे.

वाचा-
साबणाच्या विक्रीचा विचार केल्यास जागतिक पातळीवर ६२ टक्क्यांची वाढ झाली आहे. डेटॉलच्या भारतीय बाजारपेठेतील शेअरमध्ये ४३० बेसिस पाइंटची वाढ झाली. २०१९ साली भारतीय सोप मार्केटमध्ये लाइफबॉयचा वाटा १३.१ टक्के होता. दुसऱ्या क्रमांकावर गोद्रेजचे बाजारातील वाटा १२.३ टक्के इतका होता. तर १०.४ टक्क्यांसह डेटॉल तिसऱ्या स्थानावर होते.

वाचा-
इकॉनॉमिक्स टाइम्सने दिलेल्या वृत्तानुसार २०१७ साली लाइफबॉयचा मार्केट शेअर १५.७ टक्के इतका होता. दोन वर्षात त्यात घट झाली आणि तो २०१९ साली १३.१ टक्क्यांवर आला. दुसऱ्या बाजूला डेटॉलच्या मार्केट शेअरमध्ये वाढ झाली. डेटॉल साबण युकेच्या हेल्थकेअर अॅण्ड कज्यूमर गुड्स मेकर Reckitt Benckiserचा ब्रॅड आहे.

वाचा-
दोन वर्षात डेटॉलच्या मार्केट शेअरमध्ये मोठी वाढ झाली. २०१७ साली भारतीय बाजारपेठेत त्याचा वाटा ९.७ टक्के इतका होता. तो २०१९ साली १०.४ टक्क्यांवर पोहोचला. मार्केट शेअरबाबत गोद्रेज दुसऱ्या क्रमांकावर आहे. २०१९मध्ये त्यांचे मार्केट शेअर १२.३ टक्के इतके होते.

वाचा-
भारतीय सोप बाजारपेठ जवळपास २२ हजार कोटी रुपयांची आहे. २०२० च्या पहिल्या तिमाहीत डेटॉलच्या विक्रीत तब्बल ५०० कोटी रुपयांची वाढ झाली आहे.