हॅप्पी लॅन्डींग : भारतीय नौदलाकडून आकाशातच राफेलचं असं झालं स्वागत!

नवी दिल्ली : ” काही वेळेतच हरियाणाच्या अंबाला एअरबेसवर दाखल होणार आहेत. भारतीय वायुसेनेच्या ताफ्यात दाखल होणाऱ्या या जेटच्या ताफ्यानं मंगळवारी रात्री संयुक्त अरब आमिरात (UAE) मध्ये मुक्काम विश्राम घेतला. फ्रान्सहून येणारे भारतात दाखल होत असलेली या विमानांनी बुधवारी दुपारी भारताकडे पुन्हा उड्डाण घेतलं. याच दरम्यान भारताच्या हद्दीत दाखल झालेल्या या लढाऊ विमानांनी भारतीय नौसेनेच्या ‘आयएनएस कोलकाता’ला () संपर्क केला. यादरम्यान राफेलचे एअरो लीडर आणि दरम्यान बातचीत झाली.

यावेळी, आयएनएस कोलकातानं भारतीय नौदलातर्फे राफेलचं शानदार स्वागत करताना शुभेच्छाही दिल्या.

न्यूज एजन्सी ‘एएनआय’नं दिलेल्या माहितीनुसार, राफेलच्या तुकडीनं यूएईच्या अल धाफरा एअरबेसहून उड्डाण घेतल्यानंतर पश्चिम अरब सागरात तैनात नौसेनेची युद्धनौका ‘आयएनएस कोलकाता’शी संपर्क स्थापन केला. या दरम्यान राफेलच्या एअरो लीडर आणि आयएनएस कोलकातानं संवाद साधला.

ही बातचीत काहिशी अशी होती….

आयएनएस कोलकाता डेल्टा ६३ : ऐअरो लीडर, भारतीय समुद्री क्षेत्रात तुमचं स्वागत आहे.

राफेल एअरो लीडर : खूप धन्यवाद. समुद्राच्या सुरक्षेसाठी भारतीय युद्धनौका आश्वस्त करतात.

आयएनएस कोलकाता : अभिमानासहीत आकाशात उड्डाण भरण्यासाठी तुम्हाला खूप शुभेच्छा. हॅप्पी लॅन्डींग!

राफेल एअरो लीडर : तुम्हालाही शुभेच्छा. हॅप्पी हंटिंग. ओव्हर अॅन्ड आऊट

फ्रान्ससोबत झालेल्या राफेल सौद्यानुसार, भारताला ३६ राफेल विमान सोपवण्यात येणार आहे. यातील पहिले पाच विमानं बुधवारी भारतात दाखल होत आहेत. ही विमानं येत्या महिन्यात भारतीय वायुसेनेत सामील करण्यात येतील.