केंद्र सरकारने दिली माहिती..
अधिक माहितीनुसार, जम्मू-काश्मीरमध्ये एकूण ५.९ लाख टन लिथियमचा साठा सापडला आहे. यामध्ये वाहतूक उद्योगाला मोठी चालना मिळेल, अशी माहिती केंद्र सरकारकडून देण्यात आली आहे. तुम्हाला माहिती आहे का, लिथियम हा एक नॉन-फेरस धातू आहे, त्याचा वापर इलेक्ट्रॉनिक वाहनांच्या बॅटरीमध्ये केला जातो.
भारतातही तुर्कीसारखा भूकंप आला तर? देशाच्या १३ राज्यांवर मोठं संकट, महाराष्ट्राचं काय; वाचा सविस्तर…
भारतात झालेल्या भूवैज्ञानिक सर्वेक्षणानुसार, जम्मूच्या सलाल-हिमाना या भागामध्ये हा खजिना सापडला आहे. इथे एकूण ५१ ब्लॉक सापडले आहेत. यापैकी ५ ब्लॉक्स लिथियम, गोल्ड, पोटॅश, मॉलिब्डेनमचे आहेत. हा खजिना शोधण्यासाठी १०१८-१९ ला सुरुवात करम्यात आली होती. इतकंच नाहीतर १७ ब्लॉक हे कोळश्याच्या साठ्याचे असल्याचंही सांगण्यात येत आहे. खरंतर, एवढ्या मोठ्या प्रमाणात लिथियम सापडणं ही भारतासाठी आनंदाची बातमी आहे. कारण, लिथियमचे अनेक फायदे आहेत. पण या सगळ्यात रिचार्ज करणाऱ्या बॅटऱ्यांमध्ये त्याचा मोठ्या प्रमाणात वापर केला जातो.
काय आहे लिथियमचे फायदे…
लिथियमचा आरोग्यासाठी फायदा म्हणजे उन्माद, मूड स्विंगची तीव्रता आणि गंभीरता कमी करण्यासाठी हे फायद्याचं आहे. यामुळे नैराश्य कमी होण्यास मदत होते. आत्महत्या करण्याचे विचार वारंवार येत असतील तर त्याच्या भावना कमी करण्यासाठी लिथियमचा वापर चांगला आहे. त्यामुळे भविष्यात याचा मानसिक तणाव कमी करण्यास मोठा फायदा होईल.
लिथियमचे अनेक औद्योगिक फायदेही आहेत. यामुळे उष्णता-प्रतिरोधक काच, सिरॅमिक्स, ग्रीस स्नेहक, लोह, पोलाद आणि अॅल्युमिनियमच्या उत्पादनासाठी उपयोग होतो. फ्लक्स अॅडिटीव्ह, लिथियम धातूच्या बॅटरी आणि लिथियम-आयन बॅटरी बनवण्यासाठी हे महत्त्वाचं आहे.
बिझनेस माईंड ते मुकेश अंबानींचा राईड हँड, रिलायन्समधील सर्वात शक्तीशाली कोण आहेत मनोज मोदी…
