शुक्रवार २७ डिसेंबर रोजी रत्नागिरीतील आडवली रेल्वे स्थानकावर लूप लाइनचे काम हाती घेतले जाणार आहे. मध्यरात्रीपासून हे काम सुरू होणार असल्याने २७ डिसेंबरच्या मध्यरात्रीपासून निवसर ते विलवडे स्थानकादरम्या रेल्वे वाहतूक बंद ठेवण्यात येणार आहे. २८ डिसेंबरच्या सकाळी ८ वाजेपर्यंत म्हणजे तब्बल आठ तास ही वाहतूक बंद राहणार आहे. त्यामुळे या मार्गावरील दहा लांबपल्ल्याच्या गाड्या बंद ठेवण्यात येणार आहे.
ख्रिसमस आणि नवीन वर्षाच्या स्वागतासाठी देशभरातील लोक कोकण आणि गोव्यात येतात. त्यानिमित्त कोकण आणि गोव्यातील हॉटेल आधीच बुक केलेली असतात. त्यामुळे कोकण आणि गोव्यातील पर्यटन व्यवसाय या काळात प्रचंड तेजीत असतो. नेमकं याच दरम्यान कोकण रेल्वेवर मेगाब्लॉक असल्याने कोकण आणि गोव्यात जाणाऱ्या पर्यटकांची प्रचंड गैरसोय होणार आहे. अनेक पर्यटकांना विमानाने किंवा रोडमार्गे कोकण आणि गोव्यात जावं लागणार आहे तर काहींना कोकण-गोव्यातील बेत रद्द करून इतरत्र जाण्याचा बेत आखावा लागणार आहे.
१२१३३ मुंबई-मंगलुरू एक्स्प्रेस, १६३३५गांधीधाम-नागरकॉइल एक्स्प्रेस, २२६५९ कोचुवेली-डेहराडून एक्स्प्रेस, १०१११ छत्रपती शिवाजी महाराज टर्मिनल ते मडगाव ११००३ दादर सावंतवाडी तुतारी एक्स्प्रेस, १२६१७ एर्नाकुलम-हजरत निजामुद्दिन मंगला एक्स्प्रेस, ११०९९ एलटीटी-मडगाव डबलडेकर, १९३३१ कोचुवेली-इंदूर एक्स्प्रेस, ५०१०२ मडगाव-रत्नागिरी पॅसेंजर आणि ५०१०१ रत्नागिरी-मडगाव पॅसेंजर आदी गाड्या मेगाब्लॉकमुळे विविध स्थानकांवर आठ तास थांबवून ठेवण्यात येणार आहेत. त्यामुळे प्रवाशांची मोठी गैरसोय होणार आहे.
Ratnagiri News in Marathi, रत्नागिरी न्यूज़, Latest Ratnagiri News Headlines
