सोलापूर : सोलापूर लोकसभेची जागा महाविकास आघाडीच्या जागावाटपात राष्ट्रवादीला द्यावी, अशी मागणी सध्या पक्षातील नेत्यांकडून केली जात आहे. राष्ट्रवादी काँग्रेसचे आमदार रोहित पवार यांनी देखील ही मागणी केली आहे. रोहित पवार आणि विधानपरिषद आमदार अमोल मिटकरी यांच्या वक्तव्यानंतर सोलापूर शहर आणि जिल्ह्यात सोलापूर लोकसभेचा उमेदवार काँग्रेसचा की राष्ट्रवादीचा या चर्चेला सुरुवात झाली आहे. दरम्यान लोकसभेची जागा राष्ट्रवादी मागत असल्याने काँग्रेसमध्ये संतापाचे वातावरण पसरलं असून पक्षाच्या नेत्या आणि आमदार प्रणिती शिंदे यांनी खरपूस शब्दांत रोहित पवार यांचा समाचार घेतला आहे.

प्रणिती शिंदे यांना राष्ट्रवादीच्या भूमिकेवर प्रतिक्रिया विचारली असता त्यांनी रोखठोक उत्तर देत कोण रोहित पवार? असा सवाल माध्यमांसमोर केला. ‘रोहित पवार यांची आमदारकीची पहिली टर्म आहे, त्यामुळे पोरकटपणा असतो काही जणांमध्ये. मॅच्युरिटी यायला वेळ जातो,’ असं म्हणत शिंदे यांनी राष्ट्रवादीवर पलटवार केला आहे.

मित्रपक्षामुळे कसब्यात शिवसेनेची अडचण; मागे न हटण्याचा संभाजी ब्रिगेडचा निर्णय

‘आमदार प्रज्ञा सातव यांच्यावर हल्ला होत असेल तर सर्वसामान्य महिलांचे काय?’

प्रणिती शिंदे यांनी राज्यातील कायदा व सुव्यवस्थेवर प्रश्नचिन्ह उपस्थित केलं आहे. काँग्रेस आमदार प्रज्ञा सातव यांच्यावर झालेल्या हल्ल्याचा आमदार प्राणिती शिंदे यांनी निषेध केला. तसंच महिला आमदारच सुरक्षित असतील तर ,सर्वसामान्य महिला सुरक्षा कशी होणार, असा सवालही त्यांनी सत्ताधाऱ्यांना केला आहे.

दरम्यान, सध्या उद्योगपती गौतम अदानी यांच्या मुद्द्यावरून काँग्रेस नेते आणि खासदार राहुल गांधी हे भाजपवर निशाणा साधत आहेत. यावर बोलताना प्रणिती शिंदे यांनी सांगितले, अदानी यांची चौकशी व्हावी. लोकसभेत मोदी कधी चिडले नव्हते, पण राहुल गांधींच्या अदानींवरील भाषणावर मोदी चिडल्यासारखे दिसत आहेत. यातूनच चित्र स्पष्ट होत असल्याचं शिंदे यांनी म्हटलं आहे.

LEAVE A REPLY

Please enter your comment!
Please enter your name here