कोण आहेत राहुल कलाटे?
* चिंचवडचा आक्रमक चेहेरा म्हणून ओळख, त्यांचा बांधकामाचा व्यवसाय
* कलाटे मूळचे शिवसैनिक, राजकारणाची सुरुवात तिथूनच
* शिवसेनेत असताना शहराध्यक्ष, उपनेता अशी पद भूषविली
* पिंपरी चिंचवड महापालिकेत नगरसेवक, शिवसेनेच्या गटनेतेपदी
* कलाटे यांनी २०१४ ला विधानसभा शिवसेनेकडून लढली, पण पराभव
* २०१९ मध्ये भाजप-शिवसेनेच्या युतीत कलाटे यांनी बंडखोरी केली
* २०१९ ची विधानसभा निवडणूक अपक्ष उमेदवार म्हणून लढवली
* १ लाख १२ हजार मते घेऊन जगताप यांच्यासमोर तगडं आव्हान उभं केलं
* त्यामुळे जगताप यांना तोडीस तोड अशीही त्यांची राजकीय ओळख
पुण्यात शेवटच्या क्षणी नाट्यमय घडामोडी; २ पक्षांकडून पोटनिवडणुकीतील उमेदवारी मागे
राहुल कलाटे यांच्यावर राष्ट्रवादी डाव लावून त्यांनाच तिकीट देणार अशीही चर्चा होती. पण राष्ट्रवादीच्या बैठकीतील निर्णयानंतर सूत्र हलली आणि अखेरच्या क्षणी राष्ट्रवादीने निर्णय देत नानांच्या नावावर शिकामोर्तब केले. मग कलाटेंच्या मनधरणीसाठी अजितदादांनी सुनिल अण्णा शेळकेंसह राष्ट्रवादीच्या नेत्यांना मनधरणीसाठी पुढे पाठवलं. पण त्याने काहीच झालं नाही. कारण घड्याळ्याच्या चिन्हावर असणाऱ्या उमेदवाराचा आम्ही प्रचार करु, बाहेरुन आलेल्यांना आमचा पाठिंबा नाही यावर स्थानिक नेते ठाम राहिले. आणि हीच सल मनात ठेवून कलाटेंनीही निवडणुकीसाठी चंग बांधला. मावळ लोकसभा जिंकण्यासाठी एकीकडे राष्ट्रवादीचे प्रयत्न सुरु असतानाच येत्या महापालिका आणि लोकसभा निवडणुकीसाठी या मतदारसंघात राष्ट्रवादी, भाजपची प्रतिष्ठा पणाला लागणार आहे. त्यामुळे आगामी काळासाठी चिंचवड मतदारसंघातील विजय हा राष्ट्रवादीसाठी फायदेशीर ठरणारा आहे. 
Kasba Bypoll: राहुल गांधींचा एक फोन आला अन् कसब्यातील काँग्रेसच्या बंडखोर उमेदवाराची माघार
चिंचवड मतदार संघात लक्ष्मण जगताप यांच्यानंतर ताकद असलेला नेता म्हणून राहुल कलाटेंची ओळख आहे. मतदारसंघातही त्यांचा दांडगा जनसंपर्क आहे. त्यात शिवसेनाही त्यांच्या पाठिशी ताकदीने उभी राहणार आहे. एकीकडे भाजपने जगताप यांच्या घरात तिकीट देत भावनिक खेळी केलीये. तर दुसऱ्या बाजूला राष्ट्रवादीनेही दांडगा लोकसंपर्क आणि लोकप्रियता असलेला उमेदवार नाना काटेंच्या रुपात उतरवलाय. त्यामुळे या त्रिकुटामध्ये होणारी निवडणूक अतिशय चुरशीची असेल हेही तितकंच खरं आहे. भाजपने केलेली खेळी, राष्ट्रवादीची ताकद दाखवून देण्यासाठी अजित पवारांनी लावलेली फिल्डिंग पाहता राहुल कलाटे आता राष्ट्रवादी काँग्रेसला, कसा शह देतात का हे पाहावं लागेल.
