नवी : लाल किल्ल्याजवळ () एका २३ वर्षीय तरुणीवर बलात्कार केल्याची धक्कादायक घटना उघडकीस आली आहे. या घटनेनंतर दोन दिवसांनी आरोपीला अटक करण्यात आली आहे. आरोपी आणि पीडित तरुणी हे एकमेकांना ओळखत होते. ही सामूहिक बलात्काराची घटना नाही, असे पोलिसांकडून स्पष्ट करण्यात आले.

पोलिसांच्या माहितीनुसार, रेहान (वय २३) असे आरोपीचे नाव आहे. पीडित तरुणी ही पश्चिम बंगाल येथील रहिवासी आहे. शनिवारी दुपारी आरोपीने तिला लालकिल्ल्याजवळ नेले आणि तेथील झुडपात तिच्यावर बलात्कार केला. लग्न करण्याबाबत त्यानं तिला विचारणा केली होती. मात्र, तिनं नकार दिला. त्यामुळे दोघांमध्ये वाद झाला होता, अशी माहितीही पोलिसांनी दिली.

या प्रकरणी आरोपीला अटक करण्यात आली आहे. या प्रकरणात एकच आरोपी आहे. ही सामूहिक बलात्काराची घटना नाही. आरोपी आणि पीडिता हे दोघे एकमेकांच्या ओळखीचे आहेत. दोघेही बेघर असल्याची माहिती उत्तर दिल्लीच्या डीसीपी मोनिका भारद्वाज यांनी दिली. ‘आरोपी आणि पीडिता यांचे भांडण झाले. त्याने रागाने तिच्या वीट मारली. त्यात ती जखमी झाली. त्यानंतर घटनास्थळावरून आरोपी पसार झाला. सोमवारी दुपारी आरोपीला अटक करण्यात आली. तसेच पीडित तरुणीची रवानगी नारी निकेतनमध्ये करण्यात आली आहे, ‘ अशी माहितीही पोलिसांनी दिली.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

7 COMMENTS

  1. Hi there, after reading this amazing paragraph i am as well delighted to share my knowledge here with friends.

LEAVE A REPLY

Please enter your comment!
Please enter your name here