snake hide under bed in bedroom, घरात विषारी साप घुसला, अशा ठिकाणी जाऊन लपला पाहून सारेच हादरले… – viral video of snake hiding in house under bed in bedroom

मुंबई: साप हा एक असा जीव आहे ज्याची सर्वांनाच भीती वाटते. त्यामागे कारणही तसंच आहे. साप हा जगातील धोकादायक प्राण्यांपैकी एक आहे, कारण तो विषारी आहे. तसे तर साप हे जंगलात असतात, पण गेल्या काहीकाळापासून लोकांच्या घरात, गाड्यांमध्ये, सोसायट्यांमध्येही साप दिसायला लागले आहेत. हे साप दिसले की लोक घाबरतात आणि सर्पमित्रांना बोलावतात. अनेकदा हे साप अशा ठिकाणी लपून बसतात की कोणाला शंकाही येत नाही. अशाच एका सापाचा व्हिडीओ सध्या सोशल मीडियावर व्हायरल होतो आहे.

व्हिडीओ पाहून अनेकांना घाम फुटला

हा व्हिडीओ पाहून नेटकऱ्यांना घाम फुटला आहे. व्हिडीओमध्ये एक विषारी साप हा बेडरुमच्या बेडवर लपलेला दिसत आहे. हे पाहून अनेकांची भंबेरी उडाली आहे. व्हिडीओमध्ये दिसत असल्याप्रमाणे एक साप घरात घुसतो, ज्याला पाहून घरातील सर्वजण बाहेर पळतात. मग, सर्पमित्रांना बोलावलं जातं. जेव्हा सर्पमित्र त्याला शोधायला जातात तेव्हा त्यांना बेडरुममधील बेडवरील गादीच्या खाली हा साप सापडतो.

पाहा व्हिडीओ –

कुटुंब बाहेर गेलेलं, मुलं झोपडीत खेळत होती, अचानक आग लागली अन् सख्ख्या भाऊ-बहिणीसह तिघांनी जीव गमावला
गादीखाली भलामोठा साप

व्हायरल होत असलेल्या व्हिडीओमध्ये दिसत आहे की, ती व्यक्ती बेडवरील गादी उचलताच त्या गादीखाली साप लपून बसलेला दिसतो. त्यानंतर तो पलंगाखाली जाऊ लागतो. सध्या हा व्हिडिओ पाहून युजर्स हैराण झाले आहेत.

पाहणारे आपलं घर तपासत आहेत

आता युझर्सनेही आपले घर तपासण्यास सुरुवात केली आहे. इन्स्टाग्रामवर एका खात्यावर हा व्हिडीओ पोस्ट करण्यात आला आहे. वृत्त लिहेपर्यंत या व्हिडिओला सोशल मीडियावर ३३ हजारांहून अधिक लाईक्स आणि ११ लाखांहून अधिक व्ह्यूज मिळाले आहेत. व्हिडीओ पाहून अनेकांना धक्का बसला आहे. हा व्हिडिओ पोस्ट करणाऱ्याने कॅप्शनमध्ये लिहिलं की झोपायला जाताना काळजी घ्या. या पोस्टवर आता वेगवेगळ्या कमेंट्स येत आहेत.

पत्नीचं पार्थिव खांद्यावर घेऊन ३३ किमी चालला, माणुसकीवर प्रश्नचिन्ह, अखेर खाकी वर्दी मदतीला धावली