पुण्यात शिवसेना बंडखोर राहुल कलाटेंविरोधात बॅनरबाजी, एका अपक्षची उमेदवारी खोक्यातून…
आमदार लंके जसे शरद पवार यांच्या जवळचे आहेत, तसेच ते अजित पवारांच्याही जवळचे आहेत. आगामी निवडणुकीत अहमदनगर लोकसभा मतदारसंघातील राष्ट्रवादीचे उमेदवार म्हणून त्यांच्याकडे पाहिले जात आहे. त्यासाठी स्वत: पवार त्यांना शक्य होईल तशी ताकद लंके यांना देतात. नगर जिल्ह्यातच नव्हे तर इतरही ठिकाणी त्यांना दौऱ्यात सोबत घेताना दिसतात. अलीकडेच त्यांची पुण्यातील पोट निवडणुकीसाठी स्टार प्रचारक म्हणून नियुक्ती झाली आहे. त्यानंतर पुण्यातील एका कार्यक्रमात बोलताना लंके यांनी हे विधान केले होते.
कार्यकर्त्यांना उद्देशून निलेश लंके म्हणाले होते, येणाऱ्या निवडणुकीत आपल्याला अजित पवारांना मुख्यमंत्री करायचे आहे. त्यांना फक्त पाच वर्ष मुख्यमंत्रिपदाची संधी मिळाली तरी आपले राज्य २५ वर्ष पुढे गेल्याशिवाय राहणार नाही, अशी माझी खात्री आहे. मात्र, हे फक्त भाषणातून बोलायचे नाही. येत्या वर्षभरात अजितदादांच्या कामाची पद्धत घराघरात पोहचवून पुढच्या वर्षी आपल्याला निवडणुकीला सामोरे जायचे आहे. असे लंके म्हणाले होते. त्यावरून या विषयाची चर्चा सुरू झाली आहे.
दरम्यान, निलेश लंके यांच्या याच विधानावरून नाशिकमध्ये शरद पवार यांना पत्रकारांनी प्रश्न विचारला होता. एका बाजूला लाडक्या आमदाराचे विधान तर दुसरीकडे ते विधान अजित पवार यांच्या बद्दलचे अशी परिस्थिती असताना शरद पवारांनी आपल्या स्टाइलमध्ये याचे उत्तर देत प्रश्न संपवला.
