pune navale bridge container accident, पुण्यात नवले पुलावर पुन्हा अपघात, कंटेनरची चार गाड्यांना धडक, क्रेटा चेंडूसारखी हवेत उसळली – maharashtra accident news today pune navale bridge brake fail container hits creta car and two other vehicles

पुणे : पुण्यातील नवले पूल परिसरातील अपघातांचे सत्र काही केल्या थांबायला तयार नाही. मात्र पोलिसांच्या सतर्कतेमुळे सुदैवाने मोठा अनर्थ टळला. नऱ्हे येथील सेवा रस्त्यावरील भूमकर पुल चौकात ब्रेक फेल झालेल्या कंटेनरने एकूण चार वाहनांना धडक दिली. या अपघातात दोघे जण जखमी झाले आहेत. ही घटना शनिवारी सायंकाळी पावणे सात वाजण्याच्या सुमारास घडली.

नऱ्हे येथील भूमकर पुल चौकात दररोज सकाळी व सायंकाळी वाहनांची मोठी गर्दी असते. ऐन गर्दीच्या वेळी कंटेनरचे ब्रेक फेल झाल्याने एकच हाहाःकार उडाला. या अपघातातील एका क्रेटा वाहनाला कंटेनरने पाठीमागून जोराची धडक दिली. त्यामुळे क्रेटा हवेत चेंडूसारखी उडाली. काही क्षणाकरिता तिथे असलेल्या नागरिकांना काय झाले हेच समजेना. तिथे असलेले वाहतूक कर्मचारी माधव गोपनर यांच्या जवळून कंटेनर गेला. ते थोडे जरी मागे – पुढे थांबले असते तर मोठा अनर्थ टळला.

कंटेनर चालक पंकज महापात्रे (वय ५७ वर्ष, रा. उमरगा, जिल्हा उस्मानाबाद) याला सिंहगड रस्ता पोलिसांनी ताब्यात घेतले आहे.

पुण्यात हातात कोयता घेऊन जाणाऱ्या महिला, वसंत मोरेंची पोस्ट; नेटिझन्स म्हणाले तात्या तो…
मिळालेली माहिती अशी की, शिरवळवरून फ्रिज व इतर साहित्य घेऊन निघालेला कंटेनर नऱ्हे येथील भूमकर पुलाजवळ सेवा रस्त्यावर आला असता कंटेनरचे ब्रेक झाले. दरम्यान चौकात असणारे वाहतूक कर्मचारी माधव गोपनर, महेंद्र राऊत, सुशांत यादव या कर्मचाऱ्यांच्या लक्षात ही बाब आल्याने त्यांनी त्वरित इतर रस्त्याने येणारी वाहतूक थांबविल्याने मोठा अनर्थ टळला. मात्र कंटेनर समोर असणाऱ्या दोन चारचाकी, एक तीनचाकी रिक्षा व एका दुचाकीला कंटेनरची धडक बसली.
ज्याला जीव लावला, त्या बैलानेच जीव घेतला; शर्ट बदलल्याने घात झाला, कोकणात हळहळ
यामध्ये दोन जण जखमी झाले. घटनेनंतर नागरिकांनी कंटेनर चालकाला बेदम मारहाण केली. पोलिसांनी कंटेनर चालकाला ताब्यात घेतले असून इतर वाहनामधील जखमींना उपचारासाठी जवळच्या रुग्णालयात दाखल केले आहे.