मुलीसाठी चक्क आपल्या लहान मुलाला दत्तक देऊन भावाची मुलगी दत्तक घेण्याचा हा प्रकार घडला आहे. गावातल्या सुखदेव माने यांच्या कुटुंबातील दोघा सख्ख्या भावंडांनी जगासमोर एक नवा ‘आदर्श’ ठेवला आहे.
बिरुदेव सुखदेव माने आणि त्यांचा लहान भाऊ आप्पासो सुखदेव माने हे आपल्या आई-वडिलांसोबत एकत्र कुटुंबातच राहतात. बिरुदेव माने यांना एक मुलगा आहे, तर आप्पासो माने यांना एक मुलगी. काही महिन्यांच्या अंतराने दोन्ही भावांना पुन्हा दोन बाळं झाली. मोठा भाऊ बिरुदेव माने याला पुन्हा मुलगा, तर लहान भाऊ आप्पासो माने याला पुन्हा दुसरी मुलगी झाली. पण प्रत्यक्षात आप्पासो माने यांना मुलगा हवा होता, तर बिरुदेव माने यांना मुलगी व्हावी अशी इच्छा होती.
आईवरील अत्याचाराचा सूड, UPSC करणाऱ्याने पुण्यातील दाम्पत्याला संपवलं, एका दिवसात गूढ उकललं
दोघा भावांनी मग आपल्या इच्छा पूर्ण करण्यासाठी घरच्यांशी विचार विनिमय केला. आपापल्या मुलांना एकमेकांना दत्तक देण्याचा निर्णय घेतला. मोठ्या भावाला लहान भावाने आपली मुलगी द्यायची, त्या बदल्यात मोठ्या भावाने लहान भावाला मुलगा दत्तक द्यायचं ठरलं. यासाठी या दोघा भावंडांनी नामकरण सोहळा देखील आयोजित केला. सगळ्या गावाला निमंत्रणही धाडलं. लहान भावाने आपली दोन महिन्यांची मुलगी अन्विता मोठ्या भावाला, तर मोठ्या भावाने आपला दोन वर्षांचा मुलगा आरुष हा लहान भावाला दत्तक दिला. मोठ्या दिमाखात हा सोहळा पार पडला.
जागा बघायला आली नि कॉटेजवर घेऊन गेली, अलिबागमध्ये हनिट्रॅप, मुंबईत महिला जाळ्यात
दत्तक पुत्र आणि दत्तक पुत्रीच्या बाबतीत कायदेशीर प्रक्रिया देखील दोघा भावांनी पूर्ण केली आहे. शेगावच्या माने कुटुंबियांचा या ऐतिहासिक निर्णयाचे सर्व स्तरातून कौतुक होत आहे.
आधी मामा-भाच्याचं जंगी स्वागत; मग जयश्रींच्या ‘बर्थडे’चा केक कापला, फटाके फुटले; राजकारणात पाऊल?
