Satyajeet Tambe tweet | गेल्या काही दिवसांपासून नाशिक पदवीधर मतदारसंघ हा महाराष्ट्रातील राजकारणाचा केंद्रबिंदू ठरला आहे. सत्यजीत तांबे यांच्या राजकीय भूमिकेची सर्वांना उत्सुकता लागली होती.
हायलाइट्स:
- सत्यजीत तांबे यांचे ट्विट
- सूचक ट्विटमुळे राजकीय तर्कवितर्कांना उधाण
नाशिक पदवीधर मतदारसंघाच्या निवडणुकीपूर्वी सत्यजीत तांबे हे भाजपमध्ये जाणार असल्याची चर्चा होती. नंतरच्या काळात राष्ट्रवादी काँग्रेस पक्षानेही सत्यजीत तांबे यांच्यासाठी फिल्डिंग लावल्याची चर्चा आहे. त्यामुळे सत्यजीत तांबे काँग्रेस पक्षात राहणार की नवी वाट धुंडाळणार, याविषयी अनेक शक्यता व्यक्त केल्या जात होत्या. परंतु, सत्यजीत तांबे यांचे ट्विट पाहता, ते नव्या राजकीय वाटा धुंडाळण्याच्या मानसिकतेत दिसत आहे. तसेच महाराष्ट्राच्या राजकारणात स्वत:ची स्वतंत्र ओळख प्रस्थापित करण्याचा सत्यजीत तांबे यांचा इरादाही या ट्विटमधून प्रतित होत आहे. यावर बाळासाहेब थोरात आणि महाविकास आघाडीचे नेते आता काय प्रतिक्रिया देणार, याकडे सर्वांच्या नजरा लागल्या आहेत.
बाळासाहेब थोरात यांचे संगमनेरमध्ये जंगी स्वागत, भाचा सत्यजीतला दिला हा मोलाचा सल्ला
बाळासाहेब थोरात नेमकं काय म्हणाले?
बाळासाहेब थोरात यांच्या हाताला दुखापत झाल्यामुळे गेले काही दिवस त्यांच्यावर उपचार सुरु होते. सोमवारी बाळासाहेब थोरात अनेक दिवसांनी त्यांचा बालेकिल्ला असणाऱ्या संगमनेर तालुक्यात परतले. यावेळी केलेल्या भाषणात बाळासाहेब थोरात यांनी आपले भाचे सत्यजीत यांना एक मोलाचा सल्ला दिला होता. ‘सत्यजीत, तुला काँग्रेसशिवाय आणि काँग्रेसलाही तुझ्या शिवाय करमणार नाही. त्यामुळे तू किती दिवस अपक्ष राहणार, हे आपण ठरवू’,असे बाळासाहेब थोरात यांनी म्हटले होते.
नाना पटोलेंनी १० तास माझ्या माणसाला बसवून ठेवलं आणि चुकीचे एबी फॉर्म पाठवले: सत्यजीत तांबे
नाशिक जिल्हा काँग्रेस समिती बरखास्त केल्याने बाळासाहेब थोरात नाराज
काँग्रेस पक्षातील अंतर्गत वादाच्या पार्श्वभूमीवर बाळासाहेब थोरात आणि महाराष्ट्र काँग्रेसचे प्रभारी एच.के. पाटील यांची एक बैठक झाली होती. या बैठकीत बाळासाहेब थोरात यांनी नाशिक जिल्हा काँग्रेस समिती बरखास्त केल्याविषयी नाराजी बोलून दाखवली. हा निर्णय घेताना नाना पटोले यांनी आपल्याला विश्वासात घेतले नाही, असे बाळासाहेब थोरात यांनी सांगितले. यानंतर पाटील यांनी काँग्रेसचे ज्येष्ठ नेते अशोक चव्हाण आणि अमित देशमुख यांचीही भेट घेतली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
