सर्वसामान्यांच्या खिशाला पुन्हा झळ, जानेवारीत महागाई दराचा उच्चांक; पाहा काय-काय महागलंयाआधी सोमवारी ग्राहक किंमत निर्देशांकाचे (CPI) आकडे जाहीर करण्यात आले. यानुसार जानेवारीत किरकोळ महागाई दर ६.५२ टक्क्यांवर पोहोचली आहे. तीन महिन्यांत पहिल्यांदाच किरकोळ महागाई ६ टक्क्यांच्या पुढे गेली आहे. यापूर्वी ऑक्टोबर २०२२ मध्ये किरकोळ महागाई ६.७७ टक्के होती.
गेल्या महिन्यात घाऊक महागाई दरातील घसरण मुख्यत्वे उत्पादित वस्तू, इंधन आणि वीज यांच्या किमतींसह इतर वस्तूंच्या किमतीत घट झाल्यामुळे झाली आहे. घाऊक किंमत निर्देशांक आधारित महागाई जानेवारी २०२३ मध्ये ४.७३ टक्क्यांच्या २४ महिन्यांच्या नीचांकी पातळीवर आली. सलग आठव्या महिन्यात घाऊक महागाईत घसरण झाली आहे. डिसेंबर २०२२ मध्ये ४.९५ टक्के, गेल्या वर्षी नोव्हेंबरमध्ये ५.८५ टक्के आणि जानेवारी २०२२ मध्ये ही महागाई १३.६८ टक्के होती.
कर्ज हप्त्यांचा भार वाढणार! ‘महा’ बँकेकडून व्याजदरात वाढ, कर्ज घेण्यापूर्वी जाणून घ्या
वाणिज्य आणि उद्योग मंत्रालयाने एका निवेदनात म्हटले की, जानेवारी २०२३ मध्ये चलनवाढीचा दर कमी होण्यामागे प्रामुख्याने खनिज तेल, रसायने आणि रासायनिक उत्पादने, कापड, कच्चे पेट्रोलियम आणि नैसर्गिक वायू, कापड आणि अन्न उत्पादने यांचा समावेश आहे. डाळींची महागाई २.४१ टक्‍क्‍यांनी, तर भाजीपाल्‍यांची महागाई (-) २६.४८ टक्क्यांवर आहे. मागील महिन्यात तेलबियांची महागाई (-) ४.२२ टक्के होती.
जानेवारीमध्ये खाद्यपदार्थांच्या महागाईचा दर डिसेंबरमधील ०.६५ टक्क्यांवरून २.३८ टक्क्यांवर पोहोचला. कच्चे पेट्रोलियम आणि नैसर्गिक वायूमधील घाऊक महागाई डिसेंबरमधील ३९.७१टक्क्यांवरून २३.७९ टक्क्यांवर घसरली. इंधन आणि वीज महागाई डिसेंबरमधील १८.०९ टक्क्यांवरून १५.१५ टक्क्यांवर पोहोचली. जानेवारीमध्ये उत्पादित उत्पादनांची महागाई २.९९ टक्क्यांवर आली आहे.
