अनिल बाबुराव वरुटे (वय ३६, रा. कासारवाडी ), नारायण तुकाराम मडके (वय ३६, रा. मादळे) अशी मृतांची नावे आहेत. अनिल वरुटे हे आपल्या कुटुंबासह सादळे येथील साळुंखे फार्म हाऊसमध्ये मजूर म्हणून काम करत होते. तर नारायण तुकाराम मडके हे अपंग होते. अनिल वरुटे हे काल सायंकाळी सव्वासातच्या सुमारास कासारवाडीकडे ( एम. एच. ०९-बी.डी. ९१६१ ) येत होते. तर नारायण मडके हे मादळेकडे ( एम. एच. ०९- डी. डब्ल्यू. ०३०७ ) जात होते. या दोघांना समोरून गाडी येत असल्याचा अंदाज न आल्याने दोघांच्या वाहनाची धडक होऊन हा अपघात झाला.
कोथरुडऐवजी कसब्यात निवडणूक लढवणार का? चंद्रकांत पाटील हसत हसत म्हणाले…
हा अपघात एवढा भीषण होता की दोन्ही दुचाकींचा चक्काचूर झाला. या अपघातात अनिल वरुटे यांच्या डोक्याला जोरात मार लागल्याने ते जागीच ठार झाले. तर नारायण मडके हे गंभीर जखमी होते. त्यांना स्थानिक नागरिकांच्या मदतीने त्वरित उपचारासाठी रुग्णालयात नेण्यात येत होते. पण रस्त्यातच त्यांची प्राणज्योत मालवली. या अपघातानंतर मृतांच्या कुटुंबीयांवर दुःखाचा डोंगर कोसळला आहे. मृतांबद्दल हळहळ व्यक्त होत आहे.
डॉक्टर मित्रानेच केला व्यापाऱ्याचा घात; भेटण्यासाठी आल्यावर सुपारी देऊन संपवलं; एक संशयित ताब्यात
