बाजारात LIC चा शेअर पुन्हा धडाम! गुंतवणूकदार धास्तावले, आता पुढे काय? तज्ज्ञ म्हणतात…शेअर बाजाराची सुरुवात
मुंबई शेअर बाजाराचा सेन्सेक्स ४२.२१ अंकांच्या घसरणीनंतर ६०,९९०.०५ वर खुला झाला तर राष्ट्रीय शेअर बाजाराचा निफ्टी ३३.२५ अंक किंवा ०.१९ टाक्यांनी घसरून १७,८९६.६० अंकांवर उघडला. शेअर बाजार उघडताच सेन्सेक्स आणि निफ्टीमधील घसरण आणखी खोल झाल्याचे दिसून आले. मंगळवारी देशांतर्गत शेअर बाजारात तेजी आली आणि बीएसई सेन्सेक्सने ६०० अंकांची उसळी घेऊन ६१ हजारांचा टप्पा पार केला.
शेअर तोट्यात पण कंपनी फायद्यात! Adani समूहासाठी गुड न्यूज, अदानीचे तिमाही निकाल जाहीर
बाजाराच्या सुरुवातीला सेन्सेक्स-निफ्टीची स्थिती
बाजार खुला होताच सेन्सेक्समधील ३० पैकी फक्त ६ शेअर्स वेगाने व्यवहार करत असून २४ शेअर्समध्ये घसरण होताना दिसतेय. त्याच वेळी, निफ्टीमधील ५० पैकी १४ समभागांमध्ये तेजी तर ३५ समभागांत कमजोरी नोंदवली जात आहे. याशिवाय एक स्टॉक अपरिवर्तित व्यवहार करत आहे.
दुसरीकडे, अदानी समूहाच्या शेअर्सची स्थिती सुधारण्याचे नाव घेत नाहीये. आजच्या सुरुवातीच्या सत्रात अदानी ग्रीन, अदानी ट्रान्समिशन, अदानी पॉवर आणि अदानी गॅस सुरुवातीच्या व्यापारातच पाच टक्क्यांनी घसरणीची नोंद झाली तर, अदानी विल्मर आणि अदानी एंटरप्रायझेस हिरव्या चिन्हावर व्यवहार करत आहेत.
हिंडेनबर्गला हरवण्यासाठी अदानींचा हाय प्रोफाइल प्लॅन तयार! गुंतवणूकदारांचा विश्वास जिंकणारच
कुठे घसरण, कुठे तेजी
सेन्सेक्समध्ये रिलायन्स इंडस्ट्रीज, टाटा स्टील, मारुती, एम अँड एम, टेक महिंद्रा, भारती एअरटेल, एसबीआय आणि बजाज फिनसर्व्ह तेजीसह व्यवहार करत आहेत. तर एचसीएल टेक, कोटक महिंद्रा बँक, बजाज फायनान्स, टाटा मोटर्स अल्ट्राटेक सिमेंट, टायटन, एचडीएफसी बँक, आयसीआयसीआय बँक, एनटीपीसी, एचडीएफसी बँक, अॅक्सिस बँक, एशियन पेंट्स, नेस्ले इत्यांदीमध्ये घसरणीच्या व्यवहार होत आहे.
कोणत्या सेक्टरला बसला धक्का
आज निफ्टीच्या क्षेत्रांमध्ये बँक, वित्तीय सेवा, एफएमसीजी, आयटी, फार्मा, पीएसयू बँक, खाजगी बँक, आरोग्य सेवा क्षेत्र, ग्राहक क्षेत्र आणि तेल आणि वायू क्षेत्राच्या समभागांमध्ये घसरण होताना मीडिया, मेटल, रिअल्टी आणि ऑटो सेक्टर्सचे शेअर्स वेगाने व्यवहार करताना दिसत आहेत.
