मुंबई : राष्ट्रवादीचे नेते धनंजय मुंडे यांच्या कार्यालयात शिपाई पदावर कार्यरत असल्याचे सांगत सामाजिक न्याय विभागातील लिपिक पदावर नोकरी लावण्याचे प्रलोभन दाखवून एका तरुणाला सुमारे साडेपाच लाख रुपयांना फसविल्याचे दोन वर्षांपूर्वीचे प्रकरण समोर आले आहे. या प्रकरणी गोवंडी पोलिस ठाण्यात तिघांविरुद्ध गुन्हा दाखल करण्यात आला आहे.

गोवंडीच्या सम्राट अशोक नगरमध्ये राहणारा एक निवृत्त अधिकारी मुलासाठी नोकरीच्या शोधात होता. याचवेळी एकाने त्याच परिसरात जॉब कन्सल्टन्सी चालविणाऱ्या निखिल नावाच्या तरुणाची ओळख करून दिली. मंत्रालयात लिपिक पदासाठी जागा रिक्त असून, मुलाखतीसाठी ३० हजार आणि नोकरीसाठी साडेसात लाख रुपये खर्च करावे लागतील, असे निखिल याने सांगितले. पत्नीचे दागिने गहाण ठेवून या निवृत्त कर्मचाऱ्याने ही रक्कम उभी केली. काही रक्कम दिल्यावर निखिल निवृत्त कर्मचाऱ्याच्या मुलास घेऊन मंत्रालयात गेला आणि या ठिकाणी प्रत्यक्षात कुणाची भेट करून न देताच बाहेर घेऊन आला. कागदपत्र पडताळणी झाली असून, नोकरीसाठी फोन येईल, असे त्याने सांगितले.

लग्नसमारंभात कर्डिले-सातपुतेंचे चिरंजीव एकमेकांना भिडले, एकमेकांना खुन्नस देत तुफान राडा, दगडफेकीमुळे तणाव
ऑक्टोबर, २०२०पासून नोकरीचे प्रयत्न सुरू होते; मात्र नोकरी लागत नसल्याचे पाहून निवृत्त कर्मचारी आणि त्याच्या मुलाने तगादा लावला असता निखिल याने शुभमचे नाव पुढे केले. सामाजिक न्याय विभागात नियुक्तीचे झाल्याचे पत्रही ईमेलवर आले होते. निवृत्त कर्मचाऱ्याचा मुलगा मंत्रालयात गेला; मात्र, त्याला शुभम न भेटल्याने त्याने निखिलशी संपर्क केला. त्यावेळी शुभम हा धनंजय मुंडे यांच्यासोबत दौऱ्यावर असल्याचे सांगत निखिलने निलेश नावाच्या व्यक्तीचा फोन दिला. तो देखील फक्त आश्वासने देत होता. अखेर फसवणूक झालेल्या तरुणाने पोलिसांत जाण्याची धमकी देताच निखिलने दोन लाख रुपये दिले. मात्र, संपूर्ण रक्कम देत नसल्याने अखेर त्यांनी गोवंडी पोलिस ठाण्यात तक्रार केली.

ITR Form: प्राप्तिकर रिटर्न भरण्याची लगबग करा; ITR फॉर्म जारी, जाणून घ्या अंतिम तारीख

LEAVE A REPLY

Please enter your comment!
Please enter your name here