Edited by रोहित धामणस्कर | | Updated: 15 Feb 2023, 3:25 pm

Maharashtra Politics | काही दिवसांपूर्वी देवेंद्र फडणवीस यांनी जाहिररित्या सत्यजीत तांबे यांनाही अशीच एक ऑफर दिली होती. त्यानंतर नगरच्या राजकारणात झालेली उलथापालथ सर्वांनी पाहिली होती.

 

Parinay Fuke and Ashok Chavan
अशोक चव्हाणांची परियण फुकेंना ऑफर

हायलाइट्स:

  • सत्यजीत तांबे पॅटर्नची पुनरावृत्ती?
  • सध्या शहर भाजपचे उपाध्यक्ष परिणय फुके आहेत
जितेंद्र खापरे, नागपूर : काही दिवसांपूर्वी उपमुख्यमंत्री देवेंद्र फडणवीस यांनी एका जाहीर कार्यक्रमात सत्यजीत तांबे यांच्याविषयी केलेले एक वक्तव्य चांगलेच गाजले होते. पुस्तक प्रकाशन सोहळ्यात फडणवीसांनी सर्वांदेखत सत्यजीत तांबे यांना भाजपमध्ये येण्याची ऑफर दिली होती. यावेळी त्यांनी बाळासाहेब थोरात यांना उद्देशून म्हटले होते की, तुम्ही तुमच्या नेत्यांना असे सोडू नका, मग आमची नजर त्यांच्यावर जाते’. त्यावेळी फडणवीसांच्या या वक्तव्यावर हशा पिकला होता. देवेंद्र फडणवीसांनी सहज मस्करी म्हणून हे वक्तव्य केले असावे, असा सगळ्यांचा अंदाज होता. परंतु, यानंतर नाशिक पदवीधर मतदारसंघाच्या निवडणुकीत सुधीर तांबे यांनी ऐनवेळी घेतलेली माघार, सत्यजीत तांबे यांनी अपक्ष म्हणून भरलेला उमेदवारी अर्ज आणि त्याला भाजपने दिलेला पाठिंबा, असा चक्रावणारा राजकीय घटनाक्रम पाहायला मिळाला होता. असाच एक प्रकार अलीकडे नागपूरमध्ये पाहायला मिळाला. नागपूरमधील एका कार्यक्रमात काँग्रेसचे ज्येष्ठ नेते अशोक चव्हाण यांनी जाहीरपणे राज्यमंत्री असलेल्या भाजप नेत्याला काँग्रेसमध्ये येण्याची ऑफर दिली.

हा नेता दुसरा कोणी नसून फडणवीस सरकारमधील राज्यमंत्री असून सध्या शहर भाजपचे उपाध्यक्ष परिणय फुके आहेत. काँग्रेसचे ज्येष्ठ नेते बबनराव तायवाडे यांच्या ६७ व्या वाढदिवसानिमित्त कार्यक्रमाचे आयोजन करण्यात आले होते. जिथे परिणय फुके, अशोक चौहान, काँग्रेस आमदार अभिजीत वंजारी, सुनील केदार यांच्यासह अनेक नेते उपस्थित होते. यादरम्यान फुकेच्या एका प्रश्नाला उत्तर देताना अशोक चौहान यांनी त्याला सामील होण्याची ऑफर दिली.
बाळासाहेब थोरातांची स्मार्ट खेळी, संगमनेरच्या स्वागत सोहळ्यात मायक्रो प्लॅनिंग, मुलीचं राजकीय लाँचिंग

परिणय फुके काय म्हणाले ?

या कार्यक्रमात बोलताना परिणय फुके म्हणाले, “मला “कार्यक्रमासंदर्भात फोन आला की मला यायचे आहे आणि मी पत्रिका पाहिली तेव्हा मला काँग्रेसच्या सर्व नेत्यांची नावे दिसली. भाजप कमी दिसत आहे. हे पाहून मला वाटले की मी आता ऑड मॅन आउट आहे’, असे परिणय फुके यांनी म्हटले.
लग्नसमारंभात कर्डिले-सातपुतेंचे चिरंजीव एकमेकांना भिडले, एकमेकांना खुन्नस देत तुफान राडा, दगडफेकीमुळे तणाव

अशोक चव्हाण काय म्हणाले?

परिणय फुके यांच्या प्रश्नाला उत्तर देताना अशोक चव्हाण म्हणाले की, “परिणय म्हणाला की तो ऑड मॅन आउट दिसतोय. आमच्यात सगळं ठीक आहे. खूप छान दिसतंय. जुन्या काँग्रेसप्रमाणे आम्हाला काही अडचण नाही. आम्हाला काही अडचण नाही. तुमच्याकडे काही चाललंय की नाही माहीत नाही. इथे प्रत्येकाचा प्रश्न आहे, जर तिथं होत नसेल तर तुम्हीही इथे येऊ शकता, आम्हाला काही अडचण नाही”, असे अशोक चव्हाण यांनी म्हटले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here