बुधवारीही अदानी समुहाच्या चार शेअर्सला लोअर सर्किट लागले असून यामध्ये अदानी ट्रान्समिशन, अदानी ग्रीन, अदानी टोटल गॅस आणि अदानी पॉवर या शेअर्सचा समावेश आहे. या सर्व शेअर्समध्ये ५% लोअर सर्किट आहे. या शेअर्सची किंमत किती खाली आली ते जाणून घेऊया.
हिंडेनबर्गच्या धक्क्याने पडलेल्या अदानींच्या शेअर्समध्ये आज काय झाले, पडझड थांबली का?
अदानी पॉवरचा शेअर्स निम्म्यावर
अदानी पॉवरच्या शेअर्समधील लोअर सर्किट थांबण्याचे नाव घेत नाही आहे. बुधवारी कंपनीचा शेअर १४०.९० रुपयांपर्यंत खाली घासला आहे. यापूर्वी २४ जानेवारी २०२३ रोजी शेअर्सची किंमत २७५ रुपये होती. त्याच दिवशी अमेरिकन शॉर्ट सेलर हिंडेनबर्ग रिसर्चने अदानी समूहाबाबतचा अहवाल प्रसिद्ध केला. तेव्हापासून या शेअर्समध्ये लोअर सर्किट सुरू झाले आहे. या शेअर्सची किंमत अवघ्या २० दिवसांत निम्म्यावर आली आहे.
अदानी ट्रान्समिशनमध्ये मोठी घसरण
अदानी ट्रान्समिशनच्या शेअर्सनाही बऱ्याच दिवसांपासून खरेदीदार मिळत नाहीत. या शेअर्समध्ये सातत्याने लोअर सर्किट दिसून येत आहे. २५ जानेवारीला हा शेअर २,८०० रुपयांच्या जवळ होता. पण हिंडेनबर्ग अहवालानंतर शेअरच्या किमतीत कमालीची घट झाली आणि आता या शेअर्सची किंमत १०१७ रुपयांपर्यंत कोसळली आहे.
Short Selling नेमकं असतं काय? तुम्हीही करू शकता ‘शॉर्ट सेलिंग’, होईल तगडी कमाई
अदानी ग्रीनमध्ये एक तृतीयांश रक्कम बुडाली
अदानी ग्रीन एनर्जीच्या शेअर्समध्येही सातत्याने घसरण होताना दिसत आहे. बुधवारी हा शेअर्स ५ टक्क्यांच्या लोअर सर्किटसह ६२०.७५ रुपयांपर्यंत खाली गडगडला असून २५ जानेवारी रोजी शेअर्सची किंमत १९०० रुपये होती. तेव्हापासून त्यात घसरण सुरूच आहे. आणि घसरणीमुळे हा शेअर ६२० रुपयांपर्यंत खाली पडला आहे.
अदानी टोटल ७५% घटला
अदानी टोटलच्या शेअर्समध्येही लोअर सर्किट थांबण्याचे नाव घेत नाही आहे. २५ जानेवारीला हा शेअर्स ३,९०० रुपयांच्या पातळीवर होता. तेव्हापासून शेअर्समध्ये कमालीची घसरण झाली असून आता शेअर १०७८ रुपयांवर आला आहे. अशा प्रकारे या शेअर्सची किंमत २० दिवसात ७५ टक्क्यांची घट झाली आहे.
