Edited by रोहित धामणस्कर | Maharashtra Times | Updated: 16 Feb 2023, 12:36 pm
abdul sattar foreign tour | अब्दुल सत्तार हे गेल्या काही महिन्यांमध्ये सातत्याने चर्चेत राहिले आहेत. आता त्यांचा जर्मनी आणि स्वित्झर्लंड दौराही वादाच्या भोवऱ्यात अडकण्याची शक्यता आहे.
हायलाइट्स:
- सेंद्रिय उत्पादनांचा व्यापारी मेळावा
- अब्दुल सत्तार परदेशी व्यापाऱ्यांची भेट घेणार
- अब्दुल सत्तार हे कृषी खात्याच्या अधिकाऱ्यांसह जर्मनीला जाणार
औरंगाबादमध्ये महिला कृषी महाविद्यालय; कृषिमंत्री सत्तार यांची घोषणाअब्दुल सत्तार आणि कृषी विभागाचे आयुक्त सुनील चव्हाण यांच्या जर्मनी आणि स्वित्झर्लंड दौऱ्याच्या परवानगीसाठी मंगळवारी सरकारी ठराव मंजूर करण्यात आला. त्यामुळे आता सत्तार आणि कृषी विभागाचे अधिकारी जर्मनीतील व्यापारी मेळाव्याला उपस्थित राहणार आहेत. या व्यापारी मेळाव्याच्या माध्यमातून महाराष्ट्राती कृषी क्षेत्रात परदेशी गुंतवणूक आणण्यासाठी प्रयत्न करण्यात येतील. याशिवाय, सेंद्रीय शेतीमधील लागवडीच्या नव्या पद्धतीचा अभ्यास करण्याची संधी याठिकाणी मिळणार आहे. जेणेकरून महाराष्ट्रात सेंद्रीय कृषीक्षेत्राचा आणखी विकास होईल. अब्दुल सत्तारांच्या या जर्मनी आणि स्वित्झर्लंड दौऱ्यात महाराष्ट्राचे शिष्टमंडळ आंतरराष्ट्रीय प्रदर्शनांना हजेरी लावेल. याशिवाय, सत्तार आणि कृषी विभागाचे अधिकारी चर्चासत्रांना हजेरी लावतील. तसेच महाराष्ट्रात सेंद्रीय कृषीक्षेत्रात गुंतवणूक करु इच्छिणाऱ्या संभाव्य गुंतवणुकदारांशीही अब्दुल सत्तार चर्चा करतील.
मंत्री अब्दुल सत्तार यांना मोठा धक्का; ३७ एकर जमिनीच्या अनधिकृत वाटपप्रकरणी कोर्टाची नोटीसगेल्याच महिन्यात ठाकरे गटाचे आमदार आदित्य ठाकरे यांनी दाव्होस दौऱ्यात झालेल्या खर्चावरुन शिंदे-फडणवीस सरकारवर टीका केली होती. मुख्यमंत्री एकनाथ शिंदे यांच्या चार दिवसांच्या दाव्होस दौऱ्यासाठी ३५ ते ४० कोटी रुपयांचा खर्च करण्यात आला. पण एकनाथ शिंदे हे फक्त २८ तास दाव्होसमध्ये होते, असे आदित्य ठाकरे यांनी म्हटले होते. त्यामुळे आता अब्दुल सत्तार यांचा जर्मनी आणि स्वित्झर्लंडचा दौराही वादात सापडण्याची शक्यता आहे. यावरुन आता महाविकास आघाडीचे नेते आक्षेप घेणार का, याकडे सर्वांच्या नजरा लागल्या आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
