Prithvi Shaw faces argument of fans for selfie, पृथ्वी शॉसोबत सेल्फी काढण्यावरुन वाद, मुंबईत BMW कारच्या काचांची तोडफोड – prithvi shaw faces fans arguement over selfie with him and broke car windows of bmw car

मुंबई: भारताचे क्रिकेटपटू हे जगभरात प्रसिद्ध आहेत. ते एखादे स्थळी दिसले की त्यांना भेटण्यासाठी, फोटो काढण्यासाठी चाहते त्यांच्याभोवती गराडा घालतात. पण काही वेळेस फोटो घेण्याच्या नादात या चाहत्यांचही नियंत्रण सुटतं. काही वेळेस परिस्थिती हाताबाहेर ही जाते. अशीच एक घटना आज वांद्रे येथे घडली. क्रिकेटपटू पृथ्वी शॉ याच्यासोबत सेल्फी काढण्यावरून घटनास्थळी तोडफोड झाली असून पोलीस तक्रार करण्यापर्यंत हे प्रकरण पोहोचले. पाहूया नेमका काय प्रकार घडला.

भारताचा प्रसिद्ध क्रिकेटपटू पृथ्वी शॉ याच्यासोबत सेल्फी काढण्यावरून एका हॉटेलमध्ये मोठा वाद झाला. या वादातून काही तरुणांनी एका व्यावसायिकाच्या बीएमडब्ल्यू कारची तोडफोड केली. हा व्यावसायिक पृथ्वी शॉसोबत हॉटेलमध्ये जेवण्यासाठी गेला होता. पृथ्वीने फोटो काढून झाल्यानंतर चाहते पुन्हा पुन्हा आग्रह करत असल्याचे पाहून व्यावसायिकाने सेल्फी काढण्यासाठी मनाई केल्यामुळे तरुणांनी हा राग काढला आणि धमकीही दिली. याप्रकरणी ओशिवरा पोलिसांनी सहाजणांविरोधात खंडणीचा गुन्हा दाखल केला आहे.
क्रमवारीत गोंधळ, ICC ला मागावी लागली टीम इंडियाची माफी; वाचा काय आहे प्रकरण
क्रिकेटपटू पृथ्वी शॉसोबत वांद्रे पश्चिम येथील व्यावसायिक आशिष यादव व त्यांचे मित्र बुधवारी दुपारी सांताक्रुझ विमानतळाजवळील सहारा स्टार हॉटेलमध्ये जेवणासाठी गेले होते. पृथ्वी शॉ ला पाहून याच हॉटेलमध्ये असलेले सना गिल व शोबित ठाकूर हे त्याच्याजवळ गेले आणि सेल्फी काढण्याचा आग्रह धरला. पृथ्वीने त्यांच्यासोबत सेल्फी काढलाही मात्र ते वारंवार सेल्फी काढण्याची मागणी करू लागले. पण यासाठी त्यांना मनाई करतानाच आशिष यांची गिल आणि ठाकूर यांच्यासोबत शाब्दिक बाचाबाची झाली. त्यामुळे हॉटेल व्यवस्थापकाने गिल आणि ठाकूर यांना हॉटेलमधून बाहेर काढले. संतापलेल्या गिल व ठाकूर यांनी फोनद्वारे इतर मित्रांना त्या ठिकाणी बोलावले. या सर्वांनी आशिष यादव यांच्याशी वाद घालत त्यांच्या बीएमडब्ल्यू कारचा पाठलाग केला. ओशिवरा परिसरात असलेल्या लोटस पेट्रोल पंपजवळ बेसबॉल स्टीकने यादव यांच्या कारची पुढील बाजूची व मागची काच फोडली. यादव यांच्या चालकाने प्रसंगावधान दाखवून कार सरळ ओशिवरा पोलीस ठाण्यासमोर आणली.

कसोटी सामना तोंडावर आणि टीम इंडियाची एका हॉटेलमधून दुसऱ्या हॉटेलमध्ये वणवण; काय होतं कारण?
पोलिस ठाण्याजवळही गिल आणि ठाकूर यांनी यादव आणि त्यांच्या चालकासोबत वाद घातला. इतकेच नाही तर प्रकरण मिटवायचे असेल तर ५० हजार रुपयांची मागणी केली. परंतु यादव यांनी त्यांचे काहीही न ऐकता थेट पोलिसांत तक्रार केली आणि पोलिसांनी त्या तरुणावर गुन्हा दाखल केला.