अशा स्थितीत तुमची गुंतवणूक बहु-मालमत्तेकडे वळवण्याची गरज आहे. गुंतवणूकदारासाठी या सर्व मालमत्ता वर्गांमध्ये एक्सपोजर मिळवण्याचा सर्वात सोपा मार्ग म्हणजे बहु-मालमत्ता फंडाद्वारे (मल्टी ॲसेट फंड) जो एकाच फंडातील एकाच श्रेणीद्वारे तीन किंवा अधिक मालमत्ता वर्गांमध्ये गुंतवणूक करतो.
SBI चे सुपरहिट म्युच्युअल फंड, गुंतवणूकदारांसाठी ठरले रिटर्न मशीन, जाणून घ्या
मल्टी ॲसेट फंडात गुंतवणूक कशी करायची?
नावाप्रमाणेच हा फंड एकाच वेळी कर्ज, इक्विटी, सोने आणि पर्यायी पर्यायांमध्ये गुंतवणूक करतो. म्हणजेच नफा एकाच मालमत्ता किंवा ॲसेटवर अवलंबून राहत नाही. ICICI प्रुडेन्शियल मल्टी ॲसेट फंड इक्विटीमध्ये १०-८०%, कर्जामध्ये १०-३५%, सोन्यात १०-३५% आणि REITs आणि InvITs सारख्या पर्यायी पर्यायांमध्ये ०-१०% गुंतवणूक करते. तसेच इक्विटी, स्थिरता आणि कर्जातून चांगला परतावा, सोन्यापासून महागाई संरक्षण आणि REITs आणि InvITs कडून उत्पन्न वाढवण्यापासून भांडवल वाढवण्याचा हा या एकाधिक ॲसेट वर्गांत गुंतवणूक करण्याच्या फंडाचा उद्देश आहे.
कुठे मिळाला सर्वाधिक परतावा
बेंचमार्कच्या परताव्याशी तुलना केल्यास ICICI प्रुडेन्शियलच्या मल्टी ॲसेट फंडाने भरपूर जास्त परतावा दिला आहे. गेल्या एका वर्षात या वर्गाच्या बेंचमार्कने केवळ ४.२ टक्के परतावा दिला असून ICICI प्रुडेन्शियलच्या मल्टी ॲसेट फंडाने ११.३% परतावा दिला आहे, जे इतर फंड हाऊसच्या तुलनेत ६.५% जास्त आहे. इतकेच नाही तर तीन आणि पाच वर्षामध्ये देखील या फंडाने अनुक्रमे २०.५% आणि १२.४% मजबूत परतावा दिला आहे.
दर महिन्याला १० हजार गुंतवा, वयाच्या ४५व्या वर्षी व्हाल कोट्यधीश; वाचा कुठे, कशी इन्व्हेस्टमेंट कराल
SIP गुंतवणुकीने बनतो मोठा फंड
व्हॅल्यू रिसर्चच्या ३१ जानेवारी २०२३ पर्यंतच्या आकडेवारीनुसार ICICI प्रुडेंशियलचा मल्टी ॲसेट फंड २००२ मध्ये लॉन्च झाला होता आणि तेव्हापासून त्याची NAV सुमारे ४८% वाढली आहे. म्हणजे जर एखाद्या गुंतवणूकदाराने सुरुवातीपासूनच यामध्ये १० हजार रुपयांची एसआयपी सुरू केली असती तर एकूण गुंतवणूक २४.४ लाख रुपये झाली असती, परंतु परताव्यासह या फंडाने १.९ कोटी रुपयांपर्यंत रिटर्न दिले असते. विशेष म्हणजे योजनेने पाच आणि १० वर्षांच्या कालावधीत एकदाही नकारात्मक परतावा दिलेला नाही, म्हणजे यातून झालेला नफा महागाई दरापेक्षा जास्त आहे.
Investment Tips: दर महिन्याला ५ हजारांची गुंतवणूक करा अन् कोट्याधीश व्हा!
पोर्टफोलिओ देखील मजबूत होईल
जर तुम्ही या फंडात गुंतवणुकीचा विचार करत असाल तर लक्षात घ्या की हा फंड फक्त रिटर्नच देत नाही तर तुमचा पोर्टफोलिओ देखील मजबूत बनवतो. कारण इक्विटीमध्येच, या फंड मोठ्या, मिड आणि स्मॉल कॅप कंपन्यांमध्ये गुंतवणूक करतो. याशिवाय ही योजना महागाईवर मात करण्यासाठी तेल, सोने, चांदी यासारख्या वस्तूंमध्ये तुमचा पैसा लावते. पोर्टफोलिओमधील पहिल्या चार क्षेत्रांमध्ये बँक, पॉवर, ऑटो आणि सॉफ्टवेअर यांचा समावेश आहे.
(नोट: म्युच्युअल फंड गुंतवणूक ही बाजारातील जोखमीच्या अधीन असते. वर दिलेली माहिती पूर्णपणे माहितीसाठी आहे आणि कोणत्याही परताव्याची हमी देत नाही. गुंतवणूक करण्यापूर्वी तज्ञांचे मत जाणून घ्या.)
