अंबरनाथ : अंबरनाथ शहरात अतिशय धक्कादायक घटना घडली आहे. एका अल्पवयीन मुलाची वडिलांनी शस्त्राने गळा चिरून हत्या केली. त्यानंतर त्याचा मृतदेह नाल्यात फेकून दिल्याची धक्कादायक घटना केली आहे. याप्रकरणी अंबरनाथ पश्चिम पोलिसांनी आनंदकुमार गणेशन (वय ४० ) या आरोपी वडिलास अटक केली आहे. आकाश (वय ११) असे निर्घृण हत्या झालेल्या मुलाचे नाव आहे. या घटनेमुळे परिसरात खळबळ उडाली असून मुलाचा बाप इतका निर्दयीपणे कसा वागू शकतो, अशी चर्चा स्थानिक करू लागले आहेत.

आरोपी आनंदकुमार गणेशन हा गटार साफ करायचे काम करत होता. तर मृतक आकाश हा अंबरनाथ रेल्वे स्थानकाबाहेर भाजी विक्रीचे काम करत होता. मात्र त्याने आपल्याच पोटच्या अल्पवयीन मुलाची इतक्या निर्दयीपणे हत्या का केली याचे कारण अद्यापही समोर आले नसल्याचे पोलीस अधिकाऱ्यांनी सांगितले. या घटनेचा अधिक तपास अंबरनाथ पोलीस करीत आहेत.

आधी तरुणीला लग्नाचे आमिष दाखवले, मग केला वारंवार अत्याचार, मारहाण करून पैसेही उकळत राहिला, नाशकात खळबळ
या घटनेबाबत पोलीस सूत्राने दिलेल्या अधिक माहितीनुसार, अंबरनाथ पश्चिमेकडील स्वामी नगरमध्ये आरोपी आनंदकुमार गणेशन राहतो. त्याला तीन मुले असून आरोपी हा पत्नीपासून विभक्त राहत होऊन राहत आहे. दरम्यान, बुधवारी रात्रीच्या सुमारास आरोपी बापाने आकाशचा धारदार शस्त्राने गळा चिरून त्याची हत्या केली आणि गुरुवारी पहाटेच्या सुमारास त्याच परिसरात एका चहाच्या टपरी मागे असलेल्या मोठ्या नाल्यात त्याचा मृतदेह नाल्यात फेकून दिला.

महाराष्ट्रात राजकीय भूकंप येणार?; रोहित पवार यांच्या सूचक ट्विटमुळे राजकीय वर्तुळात चर्चा
मृतदेह नाल्यात फेकताना लोकांनी निर्दयी बापाला पाहिले

त्यातच काही नागरिकांनी आरोपी आनंदकुमार याला मुलाचा मृतदेह नाल्यात फेकताना पाहिले. त्यावेळी लोकांनी आरोपी आनंदकुमार याला रोखण्याचा प्रयत्न केला. मात्र त्याने नाल्यात मृतदेह टाकून तेथून पळ काढला. मात्र नागरिकांनी त्याचा पाठलाग करून त्याला पकडले आणि पोलिसांना सदर घटनेची माहिती दिली. घटनेची माहिती मिळताच पोलिसांनी घटनास्थळी धाव घेऊन आरोपीला ताब्यात घेतले व भादंवि कलम ३०२, २०१ प्रमाणे गुन्हा दाखल करून आरोपी बापाला अटक केली आहे.

जावयाने घेतला घरगुती भांडणाचा बदला, सासऱ्याच्या घरालाच लावली आग, सासऱ्याचा मृत्यू, पत्नी-मुलगा भाजले

LEAVE A REPLY

Please enter your comment!
Please enter your name here