st employees salary, परिवहन खातं मुख्यमंत्र्यांकडे, अर्थखातं फडणवीसांकडे, मग एसटी कर्मचाऱ्यांना वेळेवर पगार का मिळत नाही: सामना – shivsena thackeray camp slams shinde fadnavis govt over msrtc employees pending salary from saamana editorial

सरकार बदललं, पण परिस्थिती नाही; नैराश्यात एसटी कर्मचारी नको ते करून बसला!

विरोधात असताना भाजपचे तांडव, मात्र सत्ता बदलानंतरही ८८ हजार एसटी कर्मचाऱ्यांचे वेतन थकले

न्यायालयात आश्वासन देऊनही एसटी कर्मचाऱ्यांना आंदोलन नाही: सामना

दीड वर्षापूर्वी एसटी कर्मचाऱ्यांच्या मागण्यांसाठी आज सत्तेत सहभागी असलेल्या मंडळींना पुतना मावशीचा पान्हा फुटला होता. संपकरी एसटी कर्मचाऱ्यांना तत्कालीन महाविकास आघाडी सरकारविरोधात चिथावणारे, महिन्याचे वेतन वेळेत देण्याचे वचन देणारे आणि एसटी महामंडळाचे राज्य सरकारमध्ये विलीनीकरण या त्या आंदोलनातील कळीच्या मुद्दयावर आपल्या राजकीय पोळया भाजून घेणारेच आज सत्तेतील भागीदार आहेत. तरीही एसटी कर्मचाऱ्यांची दर महिन्याच्या पगाराची रडकथा तशीच आहे. कर्मचाऱ्यांच्या वेतनासाठी चार वर्षे बजेटमध्ये तरतूद केली जाईल आणि महिन्याच्या ७ ते १० तारखेदरम्यान वेतन दिले जाईल, असे सरकारनेच न्यायालयात कबूल केले आहे. मात्र, त्याचा आता राज्यकर्त्यांना विसर पडला आहे. मागील सहा महिन्यांच्या वेतनातील थकित रकमेसह या महिन्याच्या वेतनासाठी एक हजार कोटी रुपयांची लेखी मागणी एसटी महामंडळाने गेल्या महिन्यातच राज्याच्या अर्थ विभागाकडे केली आहे. आता फेब्रुवारीची १५ तारीख उलटली तरी ही थकित रक्कम सोडा, चालू महिन्याचे वेतनही कर्मचाऱ्यांना मिळालेले नाही, याकडे ‘सामना’तून लक्ष वेधण्यात आले आहे.