Pakistan Inflation: पाकिस्तानमध्ये एक लीटर पेट्रोल २७२ रुपये, मटन २००० रुपये किलो, एक अंड ३० रुपयांना
महाराष्ट्राचे माजी मुख्यमंत्री उद्धव ठाकरे यांच्या नेतृत्वाखालील शिवसेनेत फूट पडल्यानंतर राज्यात निर्माण झालेल्या सत्तासंघर्षावर गेले तीन दिवस सुरू असलेला युक्तिवाद गुरुवारी पूर्ण झाला होता. मात्र, सरन्यायाधीश चंद्रचूड यांच्या नेतृत्वाखालील घटनापीठाने या प्रकरणावरील निकाल राखून ठेवला होता. ठाकरे गट आणि शिंदे गटाच्या वतीने झालेल्या युक्तिवादानंतर हे प्रकरण नबाम रेबियाप्रकरणी सर्वोच्च न्यायालयाच्या सन २०१६मधील निकालाचा फेरविचार करण्यासाठी सात न्यायमूर्तींच्या मोठ्या घटनापीठाकडे पाठवायचे की, नाही यावरील निकाल आज देण्यात येईल, अशी शक्यता वर्तवण्यात येत होती. मात्र कोर्टाने आजच याबाबतचा निकाल देणं टाळलं आहे.
दरम्यान, सरन्यायाधीश चंद्रचूड आणि न्या. एम. आर. शहा, न्या. कृष्णा मुरारी, न्या. हिमा कोहली व न्या. पी. एस. नरसिंहा यांच्या घटनापीठाने या पैलूवर निर्णय राखून ठेवण्याआधी, नबाम रेबिया निकालाच्या पुनर्विचाराची आवश्यकता आहे काय? यावरील युक्तिवादही ऐकला होता. नबाम रेबिया प्रकरणाच्या निकालात पाच न्यायाधीशांच्या घटनापीठाने, संबंधित अध्यक्षांच्या विरोधातील अविश्वास प्रस्ताव प्रलंबित असेल, तर ते आमदारांच्या अपात्रतेबाबत निर्णय घेऊ शकत नाहीत, असं म्हटलं होतं.
