दिगंबर देवराव पतंगे याने गावातील एका तरुणीसोबत प्रेमसंबंध निर्माण केले होते. त्यानंतर त्या तरुणीला एका धार्मिक स्थळाच्या ठिकाणी नेले. त्या ठिकाणी दोघांनीही एकमेकांच्या गळ्यात हार घातले. त्यानंतर आपले लग्न झाले आहे असे पीडित तरुणीला सांगून आरोपीने तिला पुणे येथे नेले. त्या ठिकाणी दोन महिने राहिल्यानंतर दोघे काही दिवसांपूर्वीच कवडी येथे परतले. गावी परत आल्यानंतर मात्र दिगंबर याच्या कुटुंबीयांनी त्या तरुणीला घरात घेण्यास नकार दिला. अनेकदा सांगूनही त्यांनी निर्णय न बदलल्याने या प्रकारानंतर त्या तरुणीने आखाडा बाळापूर पोलीस ठाण्यात तक्रार दाखल केली. यामध्ये दिगंबर याने लग्न झाल्याचे भासवून कवडी गावात तसेच पुणे येथे अत्याचार केल्याचे तक्रारीमध्ये नमूद करण्यात आले आहे.
कुटुंबाच्या भेटीसाठी सुट्टीवर आला, मात्र काळाचा घाला! अपघातात जवानाने गमावले प्राण
तसेच जीवे मारण्याची धमकी दिल्याचा आरोप आहे. सदर प्रकरणी तरुणीने आखाडा बाळापूर पोलीस ठाण्यामध्ये फिर्याद दिल्याने ॲट्रॉसिटीसह विविध कलमान्वये गुन्हा दाखल केला. पोलीस निरीक्षक पंढरीनाथ बोधणापोड, पोलीस उपनिरीक्षक शिवाजी भोंडले, नागोराव बाबळे, राजीव जाधव आणि शिवाजी पवार हे सध्या या प्रकरणी तपास करीत आहेत. फेसबुकमुळं हरवलेला भाऊ सापडला, ऑनलाइन मैत्रीमुळं कुटुंबाचा अडीच वर्षांचा दुरावा संपला
